ប្រធាន IAEA អំពាវនាវឲ្យមេដឹកនាំពិភពលោកគាំទ្រសន្ធិសញ្ញាមិនរីកសាយភាយនុយក្លេអ៊ែរ

ប្រធានទីភ្នាក់ងារថាមពលបរមាណូអន្តរជាតិ (IAEA) លោក Rafael Grossi បានអំពាវនាវដល់មេដឹកនាំពិភពលោកទាំងអស់ ឲ្យបន្តគាំទ្រយ៉ាងរឹងមាំចំពោះសន្ធិសញ្ញាមិនរីកសាយភាយអាវុធនុយក្លេអ៊ែរ (NPT) ដែលជាឧបករណ៍ដ៏សំខាន់ក្នុងការទប់ស្កាត់ការរីករាលដាលអាវុធនុយក្លេអ៊ែរ។ ការថ្លែងនេះធ្វើឡើងក្នុងឱកាសនៃកិច្ចប្រជុំពិនិត្យឡើងវិញនូវអនុសញ្ញាអន្តរជាតិនេះ នៅមហាសន្និបាតអង្គការសហប្រជាជាតិ (UN) កាលពីថ្ងៃទី២៨ ខែមេសា។