By ខ្សែប្រយុទ្ធ Benjamin Sesko បានចេញមុខគាំទ្រយ៉ាងខ្លាំងឲ្យលោក Michael Carrick គ្រូបង្វឹកបណ្ដោះអាសន្នរបស់ Manchester United ត្រូវបានតែងតាំងជាអចិន្ត្រៃយ៍ បន្ទាប់ពីដឹកនាំក្រុមឱ្យឈានទៅកាន់កៅអីវគ្គជម្រុះ Champions League ប្រកបដោយជោគជ័យ។
ការទទួលជ័យជម្នះក្នុងផ្ទះ 2-1 លើក្រុម Brentford កាលពីថ្ងៃចន្ទ បានធ្វើឱ្យ Man United ឡើងមកឈរនៅលេខរៀងទី 3 ក្នុងតារាង Premier League ដោយមាន 11 ពិន្ទុដាច់ពីក្រុមចំណាត់ថ្នាក់លេខ 6 Brighton & Hove Albion ខណៈនៅសល់តែបួនប្រកួតទៀតប៉ុណ្ណោះ។
ក្រុមកំពូលទាំងប្រាំនៅ Premier League អាចមានសិទ្ធិទៅលេង Champions League នៅរដូវកាលក្រោយ ហេតុដូច្នេះ Man United ត្រូវការតែពីរពិន្ទុបន្ថែមទៀតប៉ុណ្ណោះដើម្បីធានាការវិលត្រឡប់ដោយស្វ័យប្រវត្តិ បន្ទាប់ពីអវត្តមានពីរឆ្នាំ។
Sesko ដែលស៊ុតបញ្ចូលទីបានគ្រាប់បាល់លេខ 10 ក្នុងលីករបស់គាត់ក្នុងរដូវកាលនេះ បាននិយាយថា៖ «លោក Carrick ជាគ្រូបង្វឹកដ៏អស្ចារ្យម្នាក់ ខ្ញុំធ្លាប់និយាយរឿងនេះជាច្រើនដងហើយ។ គាត់បាននាំមកនូវថាមពលខុសៗគ្នា។ របៀបដែលយើងកំពុងហ្វឹកហាត់គឺពិតជាមិនគួរឱ្យជឿ ហើយខ្ញុំចង់ឲ្យគាត់បន្តនៅទីនេះ»។
គួរបញ្ជាក់ថា Carrick បានចូលកាន់តំណែងជាបណ្តោះអាសន្នក្នុងខែមករា បន្ទាប់ពីលោក Ruben Amorim ត្រូវបានបណ្តេញចេញ ហើយបច្ចុប្បន្នកំពុងទទួលបានការគាំទ្រជាសាធារណៈយ៉ាងច្រើនពីកីឡាករក្នុងក្រុម រួមមាន Amad Diallo និង Bryan Mbeumo ផងដែរ។
Man United នឹងត្រូវទទួលភ្ញៀវ Liverpool ក្នុងសប្តាហ៍នេះ នៅថ្ងៃអាទិត្យ ដែលជាការប្រកួតដ៏សំខាន់មួយទៀតនៅ Premier League៕
