ស៊ុតដូចព្យុះ! PSG បំបាក់ Bayern 5-4 បង្កើតកំណត់ត្រាថ្មីក្នុងប្រវត្តិសាស្ត្រ UCL

ការប្រកួតវគ្គពាក់កណ្តាលផ្តាច់ព្រ័ត្រ UEFA Champions League ជើងទី១ រវាង PSG និង Bayern Munich បានបញ្ចប់ដោយលទ្ធផល 5-4 ដ៏ក្តៅគគុក ដែលត្រូវបានគេចាត់ទុកថាជាការប្រកួតវគ្គពាក់កណ្តាលផ្តាច់ព្រ័ត្រដែលមានការស៊ុតបញ្ចូលទីច្រើនជាងគេបំផុតក្នុងប្រវត្តិសាស្ត្រ!

Bayern បាននាំមុខមុនគេក្នុងតង់ទីមួយ ប៉ុន្តែក្រុមម្ចាស់ជើងឯកអឺរ៉ុប PSG បានវាយបកយ៉ាងសន្ធោសន្ធៅរហូតនាំមុខ 5-2។ ទោះយ៉ាងណា ក្រុមយក្សបាវ៉ារៀបានបង្ហាញស្មារតីមិនបោះបង់ កាត់បន្ថយមកត្រឹម 5-4 ដើម្បីរក្សាសង្ឃឹមសម្រាប់ជើងត្រឡប់មកវិញនៅ Munich។

គ្រូបង្វឹក PSG លោក Luis Enrique បាននិយាយដោយរំភើបថា៖ «វាជាការប្រកួតដ៏ល្អបំផុតដែលខ្ញុំធ្លាប់គ្រប់គ្រង! អ្នករាល់គ្នាពិតជារីករាយក្នុងការទស្សនា»។

នេះជាលើកទីមួយក្នុងវគ្គពាក់កណ្តាលផ្តាច់ព្រ័ត្រអឺរ៉ុបធំៗ ដែលភាគីទាំងពីរស៊ុតបញ្ចូលទីបានយ៉ាងហោចណាស់ 4 គ្រាប់ ហើយជាលើកទី២ក្នុងប្រវត្តិសាស្ត្រ Champions League បន្ទាប់ពី Chelsea និង Liverpool ស្មើ 4-4 ក្នុងវគ្គ 1/4 ផ្តាច់ព្រ័ត្រឆ្នាំ 2008-09។

ក្នុងរដូវកាលនេះ PSG រកបាន 43 គ្រាប់ និង Bayern 42 គ្រាប់ ដែលជាលើកទីមួយដែរដែលក្រុមទាំងពីររកបានលើសពី 40 គ្រាប់ក្នុងយុទ្ធនាការ UCL តែមួយ។