By ក្រុម Leeds United បានបោះជំហានដ៏សំខាន់មួយទៀតក្នុងការតស៊ូរក្សាកៅអីនៅ Premier League បន្ទាប់ពីបានយកឈ្នះក្រុម Burnley ៣-១ នៅលើទឹកដី Elland Road កាលពីចុងសប្ដាហ៍។
Anton Stach បានបើកការស៊ុតបញ្ចូលទីឲ្យក្រុមម្ចាស់ផ្ទះតាំងពីនាទីទី ៨ មុនពេល Noah Okafor និង Dominic Calvert-Lewin បន្ថែមគ្រាប់បាល់ភ្លាមៗក្រោយសម្រាកតង់ទីមួយ។ ជ័យជម្នះនេះបានធ្វើឲ្យក្រុមរបស់លោក Daniel Farke មាន ៤៣ ពិន្ទុ ឡើងដល់ចំណាត់ថ្នាក់លេខ ១៤ ហើយឈានដល់ ៩ ពិន្ទុដាច់ពីតំបន់កាត់ចោល។
ចំណែកឯ Burnley វិញទោះបីអាចទាញបានមួយគ្រាប់លួងចិត្តតាមរយៈកីឡាករ Tchaouna ក្នុងរយៈពេល ២០ នាទីចុងក្រោយក៏ដោយ ក៏នៅតែទទួលបរាជ័យជាលើកទី ២៣ នៃរដូវកាលនេះ ដោយធ្វើឲ្យពួកគេនៅជាប់បាតតារាងលេខ ១៩ និងមានហានិភ័យខ្ពស់ក្នុងការធ្លាក់ទៅកាន់ Championship រដូវកាលក្រោយ។
