By អន្តរជាតិ៖ លោក Zhang Xiaogang អ្នកនាំពាក្យក្រសួងការពារជាតិចិនបានឱ្យដឹងថា កិច្ចប្រជុំណែនាំនៃវេទិកា Xiangshan ក្រុងប៉េកាំងប្រចាំឆ្នាំ២០២៦ នឹងប្រព្រឹត្តទៅនៅទីក្រុងប៉េកាំងចាប់ពីថ្ងៃទី៧ ដល់ថ្ងៃទី៩ ខែឧសភាខាងមុខ។
កិច្ចប្រជុំនេះនឹងអញ្ជើញមន្ត្រីការពារជាតិ អ្នកជំនាញ បញ្ញវន្ត និងតំណាងប្រព័ន្ធសារព័ត៌មានប្រហែល ១២០នាក់ មកពីប្រទេស និងអង្គការអន្តរជាតិប្រហែល ៣០ ចូលរួម។
ក្រោមប្រធានបទ «សន្តិសុខសកល៖ បញ្ហាប្រឈម និងដំណោះស្រាយ» វេទិកានឹងពិភាក្សារួមមាន៖ «សណ្តាប់ធ្នាប់អន្តរជាតិ និងការគ្រប់គ្រងតាមច្បាប់អន្តរជាតិ», «បញ្ហាប្រឈមថ្មីនៃសន្តិសុខអាស៊ី-ប៉ាស៊ីហ្វិក», «ការគ្រប់គ្រងហានិភ័យបច្ចេកវិទ្យាថ្មីៗផ្នែកយោធា» ជាដើម។
លើសពីនេះ ក៏នឹងមានការរៀបចំសកម្មភាពផ្លាស់ប្តូររំលឹកខួបឆ្នាំទី ២០ នៃការបើកវេទិកា Xiangshan ក្រោមប្រធានបទពិសេស «តួនាទីនៃវេទិកាអន្តរជាតិក្នុងអភិបាលកិច្ចសន្តិសុខសកល» ព្រមទាំងការពិភាក្សា និងសន្ទនាពហុភាគីយ៉ាងស៊ីជម្រៅ ដើម្បីចូលរួមចំណែកជាតម្រិះប្រាជ្ញាក្នុងការកែលម្អអភិបាលកិច្ចសន្តិសុខសកល និងជំរុញការកសាងសណ្តាប់ធ្នាប់អន្តរជាតិប្រកបដោយយុត្តិធម៌ និងសមហេតុផល។
ប្រភព៖ (CCFR)
