សហរដ្ឋអាមេរិកប្រកាសធ្វើប្រតិបត្តិការជម្លៀសនាវាជាប់គាំងនៅច្រកសមុទ្រហ័រមូស លោកត្រាំព្រមានដាក់ទណ្ឌកម្មធ្ងន់ធ្ងរ បើត្រូវរារាំង

អន្តរជាតិ៖ លោក ដូណាល់ ត្រាំ ប្រធានាធិបតីសហរដ្ឋអាមេរិក បានបង្ហោះសារតាមប្រព័ន្ធទំនាក់ទំនងសង្គមនៅថ្ងៃទី៣ ខែឧសភា ប្រកាសថា ទីក្រុងវ៉ាស៊ីនតោននឹងបើកប្រតិបត្តិការជម្លៀសមួយចាប់ពីព្រឹកថ្ងៃទី៤ ខែឧសភា ដើម្បីដឹកនាំនាវាដែលកំពុងជាប់គាំងនៅច្រកសមុទ្រហ័រមូស (Hormuz) ឲ្យចាកចេញពីតំបន់គ្រោះថ្នាក់នេះ។

លោកត្រាំបានអះអាងថា នាវាទាំងនោះមកពីប្រទេសផ្សេងៗជុំវិញពិភពលោក ក្នុងនោះប្រទេសភាគច្រើនគ្មានទំនាក់ទំនងផ្ទាល់នឹងជម្លោះនៅមជ្ឈិមបូព៌ាឡើយ។ លោកបានជូនដំណឹងដល់គ្រប់ភាគីជាប់ពាក់ព័ន្ធថា អាមេរិកនឹងដឹកនាំនាវា និងនាវិកឲ្យបរចេញពីច្រកសមុទ្រនេះដោយសុវត្ថិភាព។

គ្រប់ភាគីពាក់ព័ន្ធបានបង្ហាញជំហរថា ពួកគេនឹងមិនវិលត្រឡប់មកតំបន់នេះវិញទេ រហូតដល់សុវត្ថិភាពនាវាចរណ៍ និងស្ថិរភាពទូទៅត្រូវបានស្តារឡើងវិញ។

លោកត្រាំបានព្រមានថា ប្រសិនបើប្រតិបត្តិការមនុស្សធម៌នេះរងការរារាំងពីក្រុមណាមួយ អាមេរិកនឹងចាត់វិធានការតបតវិញដោយមធ្យោបាយដ៏តឹងរឹងបំផុត។

ប្រភព៖ (CCFR)