By ប្រធានាធិបតីអាមេរិកលោកដូណាល់ត្រាំបានថ្លែងកាលពីថ្ងៃទី៣ ឧសភាថា សហរដ្ឋអាមេរិកនិងអ៉ីរ៉ង់បានពិភាក្សាគ្នាដ៏វិជ្ជមានបំផុត ដែលអាចឈានទៅរកអ្វីដែលល្អបំផុតសម្រាប់គ្រប់ភាគី។ លោកបានសរសេរនៅលើបណ្ដាញសង្គម Truth Social ថា តំណាងរបស់លោកបានពិភាក្សាប្រកបដោយផ្លែផ្កា ហើយអាចទម្លាយផ្លូវទៅរកលទ្ធផលវិជ្ជមានបំផុត។
បទឈប់បាញ់នៅតែជាធរមានតាំងពីថ្ងៃទី៨ មេសា បន្ទាប់ពីការវាយប្រហាររយៈពេលជិត៤០ថ្ងៃរបស់អាមេរិកនិងអ៉ីស្រាអែលប្រឆាំងអ៉ីរ៉ង់។ លោកត្រាំក៏បានប្រកាសថា កងម៉ារីនអាមេរិកនឹងចាប់ផ្ដើមពីថ្ងៃទី៤ ឧសភា អមការពារនាវារបស់ប្រទេសទី៣ដែលជាប់គាំងនៅច្រកសមុទ្រហ័រមូស។
លោកបញ្ជាក់ថា នេះគឺដើម្បីសន្តិភាពក្នុងតំបន់មជ្ឈិមបូព៌ា និងសហរដ្ឋអាមេរិក។ យោងតាមក្រុមហ៊ុនតាមដាននាវាចរណ៍ AXSMARINE គិតត្រឹមថ្ងៃទី២៩ មេសា មាននាវាពាណិជ្ជកម្មដល់ទៅ៩១៣គ្រឿងនៅឈូងសមុទ្រពែរ្ស៍។ លោកត្រាំព្រមានថា បើប្រតិបត្តិការនេះត្រូវរាំងស្ទះ នឹងត្រូវដោះស្រាយដោយកម្លាំង៕
