By រាជធានីភ្នំពេញ៖ វិស័យហ៊ីបហប់ខ្មែរបានឈានដល់ចំណុចរបត់ប្រវត្តិសាស្ត្រថ្មីមួយទៀត បន្ទាប់ពីកម្មវិធី The Next Level: RapStar រដូវកាល Uncaged បានគ្រងមកុដជ័យលាភីដំបូងឲ្យ JAYX ដែលជាយុវជនមានទេពកោសល្យពីខេត្តព្រៃវែង។
ក្រោមការឧបត្ថម្ភពីស្រាបៀរ Tiger ព្រឹត្តិការណ៍វគ្គផ្តាច់ព្រាត់ដ៏សន្ធឹកសន្ធាប់ត្រូវបានប្រារព្ធឡើងនៅកោះនរា ដោយទាក់ទាញអ្នកគាំទ្រជាង ១០,០០០ នាក់ឲ្យចូលរួមអបអរ។ វេទិកានេះមិនត្រឹមតែជាការប្រកួតតន្ត្រីប៉ុណ្ណោះទេ ប៉ុន្តែជាការប្រារព្ធនូវភាពក្លាហាន និងឆន្ទៈមុតមាំរបស់យុវជនខ្មែរ។
រឿងរ៉ាវរបស់ JAYX គឺជាទឹកចិត្តបំផុសគំនិត ពេលដែលគាត់ហ៊ានបោះបង់ការងាររោងចក្រ ដើម្បីដើរតាមសុបិនរ៉េបលើឆាកជាតិ។ រួមជាមួយ Chris Diva ដែលពូកែខាងសម្តែងប្រកបដោយថាមពល និង SlideO ដែលចេញពីស្រុកដាច់ស្រយាល ទោះមិនចេះអានសរសេរក៏ដោយ ក៏នៅតែហ៊ានឈោងចាប់ក្តីស្រមៃរបស់ខ្លួន។
អ្នកតំណាងស្រាបៀរ Tiger បានថ្លែងថា៖ «យើងមានមោទនភាពក្នុងការគាំទ្រកម្មវិធីនេះ ដែលផ្តល់ឱកាសឲ្យយុវជនបង្ហាញសមត្ថភាពពិតប្រាកដរបស់ពួកគេ»។
រដូវកាលទី១ បានបញ្ចប់ហើយ តែសន្ទុះនៃភាពក្លាហាននៅតែបន្តបន្ទរដើម្បីជំរុញយុវជនជំនាន់ក្រោយ។
