By រាជធានីភ្នំពេញ ៖ ក្រសួងធនធានទឹក និងឧតុនិយម បានប្រកាសឱ្យប្រជាពលរដ្ឋទូទាំងប្រទេសត្រៀមខ្លួនរួចព្រោះកម្ពុជានឹងមានអាកាសធាតុប្រែប្រួលខ្លាំង ចាប់ពីថ្ងៃទី០៦ ដល់ថ្ងៃទី០៨ ខែឧសភា ឆ្នាំ២០២៦ ជាមួយសីតុណ្ហភាពក្តៅហួតហែងរហូតដល់ ៣៦°C ប៉ុន្តែនឹងមានភ្លៀងធ្លាក់លាយឡំដោយបាតុភូតផ្គរ រន្ទះ និងខ្យល់កន្ត្រាក់ផងដែរ។
បាតុភូតនេះកើតឡើងដោយសារសម្ពាធទាបនៅលើសមុទ្រចិនខាងត្បូងមានឥទ្ធិពលលើរបបខ្យល់មូសុងឦសាន ដែលបក់មកលើអាងទន្លេមេគង្គ និងព្រះរាជាណាចក្រកម្ពុជាទាំងមូល។ សូមប្រជាពលរដ្ឋមានការប្រុងប្រយ័ត្នខ្ពស់ ជាពិសេសនៅតាមតំបន់ដែលងាយរងគ្រោះ។
បម្រែបម្រួលអាកាសធាតុតាមតំបន់
១. តំបន់វាលទំនាប៖ សីតុណ្ហភាពចន្លោះ២៤-៣៦°C ខ្យល់បក់ពីទិសបូព៌ និងអាគ្នេយ៍ ល្បឿនមធ្យម ២ម៉ែត្រ/វិនាទី។ ខេត្តបន្ទាយមានជ័យ បាត់ដំបង ពោធិ៍សាត់ សៀមរាប កំពង់ឆ្នាំង កំពង់ធំ កំពង់ចាម ត្បូងឃ្មុំ ស្វាយរៀង ព្រៃវែង តាកែវ កណ្តាល និងរាជធានីភ្នំពេញ អាចមានភ្លៀងលាយផ្គរ រន្ទះ ខ្យល់កន្ត្រាក់ គ្របដណ្តប់ ២៥%។
២. តំបន់ខ្ពង់រាប៖ សីតុណ្ហភាពចន្លោះ២៥-៣៦°C ខ្យល់បក់មកពីឦសាន និងបូព៌ ល្បឿន ៣ម៉ែត្រ/វិនាទី។ ខេត្តកំពង់ស្ពឺ ប៉ៃលិន ឧត្តរមានជ័យ ព្រះវិហារ ក្រចេះ ស្ទឹងត្រែង រតនគិរី មណ្ឌលគិរី ដងរែក និងក្រវាញ អាចមានភ្លៀងលាយផ្គរ រន្ទះ ខ្យល់កន្ត្រាក់ ១៥%។
៣. តំបន់មាត់សមុទ្រ៖ សីតុណ្ហភាព២៤-៣៥°C ខ្យល់បក់ពីនិរតី និងអាគ្នេយ៍ ល្បឿន ២ម៉ែត្រ/វិនាទី។ ខេត្តកោះកុង ព្រះសីហនុ កំពត កែប និងបូកគោ អាចមានភ្លៀងលាយផ្គរ រន្ទះ ខ្យល់កន្ត្រាក់ ១៥%។ រលកសមុទ្រមានកម្ពស់ ០,៥០-១,០០ ម៉ែត្រ។
សូមបងប្អូនប្រជាពលរដ្ឋត្រៀមការពារសុវត្ថិភាពខ្លួនឯង និងគ្រួសារ ជៀសវាងការឈរនៅកន្លែងចំហពេលមានផ្គររន្ទះ និងពិនិត្យមើលដំបូលផ្ទះឱ្យបានមាំមួនផងដែរ។
