By ខ្សែប្រយុទ្ធរឿងឈ្មោះ Kylian Mbappe កំពុងធ្លាក់ក្រោមសម្ពាធយ៉ាងខ្លាំងពីសំណាក់មហាជនអ្នកគាំទ្រ Real Madrid បន្ទាប់ពីមានហេតុការណ៍រឿងអាស្រូវជាបន្តបន្ទាប់ដែលធ្វើឱ្យអ្នកគាំទ្រខឹងសម្បារមិនអាចទ្រាំទ្របានទៀត។
Real Madrid កំពុងឆ្លងកាត់រដូវកាលដ៏លំបាកមួយ បន្ទាប់ពី Xabi Alonso ដែលជាអ្នកចាត់ការថ្មីត្រូវបានបណ្តេញចេញកាលពីខែមករា ដោយដឹកនាំក្រុមបានតែប៉ុន្មានខែប៉ុណ្ណោះ។ បច្ចុប្បន្ននេះ ក្រុមយក្សម៉ាឌ្រីដកំពុងឈរនៅលេខរៀងទី ២ ក្នុងតារាង LaLiga ដោយមាន ១១ ពិន្ទុដេញតាមពីក្រោយគូប្រជែងដ៏ធំ Barcelona ដែលជិតនឹងដណ្តើមយកពានលីគបានហើយ។
អ្វីដែលធ្វើឱ្យស្ថានការណ៍កាន់តែធ្ងន់ធ្ងរនោះគឺ Mbappe វ័យ ២៧ ឆ្នាំ ត្រូវបានគេឃើញទៅដើរលេងកម្សាន្តនៅ Sardinia ជាមួយតារាសម្តែងថ្មីរបស់គាត់គឺ Ester Exposito ខណៈដែលគាត់កំពុងជាសះស្បើយពីរបួសសរសៃពួរ។ សកម្មភាពនេះបានធ្វើឱ្យអ្នកគាំទ្រខឹងសម្បារយ៉ាងខ្លាំង ដោយសារតែរដូវកាលនេះមិនទាន់បញ្ចប់ ហើយការធ្លាក់ចេញពី Champions League ក៏ទើបតែកើតឡើងប៉ុន្មានសប្តាហ៍មុននេះផងដែរ។
ភាពតានតឹងត្រូវបានផ្សំឡើងបន្ថែមទៀត បន្ទាប់ពីសារព័ត៌មាន The Athletic បានចេញរបាយការណ៍ថា Mbappe បានប្រឈមមុខដាក់គ្នាយ៉ាងខ្លាំងជាមួយសមាជិកនៃក្រុមគ្រូបង្វឹក។ ប្រភពបានឱ្យដឹងថា កីឡាករអន្តរជាតិបារាំងរូបនេះបាននិយាយដោយពាក្យប្រមាថយ៉ាងខឹងសម្បារទៅកាន់បុគ្គលិកម្នាក់ដែលបានហៅគាត់ថាជាមនុស្សក្រៅប្រព័ន្ធ អំឡុងពេលហ្វឹកហាត់។
ជាលទ្ធផល ញត្តិរបស់អ្នកគាំទ្រ ដែលទាមទារឱ្យក្លឹបដក Mbappe ចេញពីក្រុម ឬលក់គាត់ចេញទៅ កំពុងត្រូវបានចែករំលែកយ៉ាងផុសផុលនៅលើប្រព័ន្ធផ្សព្វផ្សាយសង្គម។ គិតត្រឹមពេលនេះ ញត្តិនេះមានហត្ថលេខាជាង ៤ លាន រួចទៅហើយ ដែលជាសញ្ញាបង្ហាញពីការមិនពេញចិត្តយ៉ាងខ្លាំងរបស់ប្រិយមិត្តអ្នកគាំទ្រសាឡឹក។
