foodpanda Cambodia ភ្ជាប់ដៃជាមួយអង្គការទឹកស្អាត ១០០១ បរិច្ចាគទឹកស្អាតជូនសិស្សជិត ៤,០០០ នាក់នៅខេត្តភាគខាងជើង

ភ្នំពេញ៖ foodpanda Cambodia វេទិកាដឹកជញ្ជូនឈានមុខគេនៅកម្ពុជា បានប្រកាសគំនិតផ្តួចផ្តើម CSR ថ្មីមួយ ដោយសហការជាមួយអង្គការទឹកស្អាត ១០០១ ជាដៃគូក្នុងស្រុករបស់អង្គការមិនរកប្រាក់ចំណេញបារាំង “1001fontaines”។ គម្រោងនេះបរិច្ចាគទឹកប្រាក់ ៨,០០០ ដុល្លារអាមេរិក ដើម្បីផ្គត់ផ្គង់ទឹកស្អាតជូនសិស្សានុសិស្សនៅតាមសាលារៀនចំនួន ១៥ ក្នុងខេត្តព្រះវិហារ បន្ទាយមានជ័យ និងឧត្តរមានជ័យ រយៈពេលមួយឆ្នាំ។

គម្រោង “ទឹកក្នុងសាលា” ដែលគ្រប់គ្រងដោយទឹកស្អាត ១០០១ ប្រើប្រាស់បណ្តាញបញ្ជរទឹកចំនួន ៣៤៦ និងសហគ្រិនក្នុងស្រុក ដើម្បីចែកចាយទឹកផឹកគុណភាពខ្ពស់។ ការបរិច្ចាគនេះនឹងធានាថាសិស្សានុសិស្សរាប់ពាន់នាក់ទទួលបានទឹកស្អាតជាប្រចាំ កាត់បន្ថយជំងឺដែលបណ្តាលមកពីទឹក និងជួយឱ្យពួកគេផ្តោតអារម្មណ៍លើការសិក្សា។

លោក ហ្សីយ៉ា មីន នាយកគ្រប់គ្រងប្រចាំប្រទេសកម្ពុជា ឡាវ និងមីយ៉ាន់ម៉ា នៃក្រុមហ៊ុន foodpanda មានប្រសាសន៍ថា៖ «នៅ foodpanda បេសកកម្មរបស់យើងតែងតែលើសពីការដឹកជញ្ជូន គឺយើងចង់ពង្រឹងអេកូឡូស៊ីមូលដ្ឋានទាំងមូល។ យើងបានរកឃើញការឆ្លុះបញ្ចាំងដ៏ឥតខ្ចោះនៃបេសកកម្មនោះនៅក្នុងអង្គការទឹកស្អាត ១០០១»។

លោកស្រី លូស៊ី ហ្គូនី អ្នកគ្រប់គ្រងផ្នែកដៃគូ និងទំនាក់ទំនង បានមានប្រសាសន៍ថា៖ «តាមរយៈការបរិច្ចាគនេះ កុមារប្រមាណ ៤,០០០ នាក់នឹងមានទឹកស្អាតទទួលទានជារៀងរាល់ថ្ងៃ ក្នុងរយៈពេលមួយឆ្នាំ ដែលនឹងគាំទ្រដល់សុខភាព វត្តមាននៅសាលា និងលក្ខខណ្ឌសិក្សារបស់ពួកគេ»។

ភាពជាដៃគូនេះបញ្ជាក់ពីជំនឿរួមគ្នាថា មធ្យោបាយដ៏មានប្រសិទ្ធភាពបំផុតក្នុងការបម្រើកម្ពុជា គឺតាមរយៈការវិនិយោគលើសុខភាពយុវជន និងភាពរឹងមាំរបស់សហគ្រិនក្នុងស្រុក៕