By Paris Saint-Germain ក្រុមខ្លាំងមកពីបារាំងបានឈានដល់វគ្គផ្តាច់ព្រ័ត្រ Champions League ជាលើកទី២ក្នុងរយៈពេល២ឆ្នាំ បន្ទាប់ពីស៊ុតស្មើ ១-១ ជាមួយ Bayern Munich ក្នុងជើងទីពីរ។
ក្រោយការប្រកួតចប់ លោក David Beckham អតីតតារាបាល់ទាត់អង់គ្លេស បានសរសើរក្រុមកីឡាករវ័យក្មេងដែលលោក Luis Enrique បានកសាង និងសាមគ្គីភាពរបស់ពួកគេ។ Beckham បានបង្ហើបថា លោកបាននិយាយជាមួយប្រធាន PSG លោក Nasser Al-Khelaifi ដែលបានប្រាប់ថា ក្នុងឆ្នាំដំបូង Luis Enrique ស្ទើរតែគេងរាល់យប់នៅកន្លែងហ្វឹកហាត់តែម្តង។
អតីតកីឡាកររូបនេះបានពន្យល់ថា៖ “គាត់បានខិតខំធ្វើការលើរបៀបដែលគាត់ចង់ឱ្យក្រុមក្លាយទៅជា របៀបគាត់ចង់ឱ្យក្រុមលេង ថាតើគាត់ចង់បានអ្នកណា និងអនាគតមើលទៅដូចអ្វី”។ Beckham បន្ថែមថា ប្រធានក្លឹបមិនដែលឃើញក្រមសីលធម៌ការងារបែបនេះពីគ្រូបង្វឹកណាផ្សេងទេ។ Luis Enrique ចង់ឱ្យកីឡាករទាំងអស់នៅកម្រិតដូចគ្នា ចង់បានដូចគ្នា និងនាំកីឡាករវ័យក្មេងឆ្លងកាត់ដំណើរការ។ គាត់ចង់បានកីឡាករដែលរត់មិនឈប់ ហើយនោះជាអ្វីដែលគាត់ទទួលបាន។
បច្ចុប្បន្ន PSG នាំមុខគេក្នុងតារាង Ligue 1 ដោយពិន្ទុដាច់ Lens ចំនួន៦ពិន្ទុ។ ពួកគេមានឱកាសការពារតំណែងជើងឯក Champions League នៅពេលជួប Arsenal ក្នុងវគ្គផ្តាច់ព្រ័ត្រនៅទីក្រុង Budapest ថ្ងៃទី៣០ ខែឧសភាខាងមុខ៕
