By ក្រុម Aston Villa បានបំផ្លាញក្តីសង្ឃឹមរបស់ Nottingham Forest យ៉ាងដាច់ខាត ដោយអាចយកឈ្នះ 4-0 ក្នុងជើងទីពីរនៅទឹកដីខ្លួន ដើម្បីឈានទៅកាន់វគ្គផ្តាច់ព្រ័ត្រ Europa League ព្រមទាំងខិតទៅជិតការបញ្ចប់ភាពមិនធ្លាប់ឈ្នះពានរង្វាន់ធំអស់រយៈពេល 30 ឆ្នាំផងដែរ។
ពីរគ្រាប់ចុងម៉ោងរបស់ John McGinn បន្ថែមលើការស៊ុតបាល់ប៉េណាល់ទីរបស់ Emi Buendia និងការតែតបើកឆាករបស់ Ollie Watkins បានជួយឱ្យ Aston Villa សងសឹក Nottingham Forest បានយ៉ាងជោគជ័យ បន្ទាប់ពីបរាជ័យក្នុងជើងទីមួយ 1-0 កាលពីសប្តាហ៍មុន។
ក្រុមម្ចាស់ផ្ទះបានកក់កៅអីសម្រាប់វគ្គផ្តាច់ព្រ័ត្រ ដោយត្រៀមប្រជែងទល់នឹងក្រុម Freiburg មកពីក្របខណ្ឌ Bundesliga របស់អាល្លឺម៉ង់ ដែលបានយកឈ្នះ Braga សរុប 4-3 ទាំងពីរជើង ក្នុងទីក្រុង Istanbul ប្រទេសទួរគី នៅថ្ងៃទី 20 ខែឧសភា។
គ្រូបង្វឹកក្រុម Aston Villa លោក Unai Emery កំពុងប្រជែងដណ្តើមពាន Europa League ជាលើកទីប្រាំរបស់លោក ចំណែកក្រុម Villa ចង់លើកពានធំដំបូងរបស់ខ្លួន ចាប់តាំងពីការប្រកួត League Cup ឆ្នាំ 1996 ហើយក៏ចង់បានកៅអីលេង Champions League ផងដែរ។
បច្ចុប្បន្ន Aston Villa នៅតែស្ថិតក្នុងចំណាត់ថ្នាក់លេខ 5 នៃ Premier League ហើយប្រសិនបើពួកគេបញ្ចប់នៅទីនោះ និងឈ្នះពាន Europa League ក្រុមដែលស្ថិតក្នុងចំណាត់ថ្នាក់ទីប្រាំមួយ ដែលបច្ចុប្បន្នគឺ Bournemouth ក៏នឹងបានកៅអី Champions League ផងដែរ៕
