By តេហេរ៉ង់៖ ទីប្រឹក្សារបស់មេដឹកនាំកំពូលអ៊ីរ៉ង់ លោក Mohammad Mokhber បានប្រៀបធៀបឥទ្ធិពលនៃការគ្រប់គ្រងច្រកសមុទ្រ Hormuz ថាស្មើនឹងការកាន់កាប់គ្រាប់បែកនុយក្លេអ៊ែរ ដោយអះអាងថា អ៊ីរ៉ង់នឹងមិនបោះបង់អំណាចនេះជាដាច់ខាត។
លោក Mokhber បានថ្លែងកាលពីថ្ងៃទី៨ ឧសភា ថា អ៊ីរ៉ង់ត្រៀមខ្លួនកែប្រែច្បាប់អន្តរជាតិ និងហ៊ានធ្វើសកម្មភាពតែម្នាក់ឯង ដើម្បីធានាការគ្រប់គ្រងផ្លូវទឹកដ៏សំខាន់នេះ។ ច្រកសមុទ្រ Hormuz ផ្គត់ផ្គង់ ២០% នៃតម្រូវការប្រេងពិភពលោក ហើយអ៊ីរ៉ង់បានបង្កើតស្ថាប័នថ្មីមួយដើម្បីប្រមូលថ្លៃសេវាពីកប៉ាល់ដឹកទំនិញ។
ចាប់តាំងពីសង្រ្គាមផ្ទុះឡើង អ៊ីរ៉ង់បានអនុញ្ញាតឲ្យតែនាវាប្រទេសដែលខ្លួនចាត់ទុកជា «មិត្ត» ប៉ុណ្ណោះអាចឆ្លងកាត់បាន ក្រោមការត្រួតពិនិត្យរបស់កងឆ្មាំបដិវត្តន៍អ៊ីរ៉ង់ (IRGC)។ ការប៉ះទង្គិចគ្នាដោយអាវុធរវាងអ៊ីរ៉ង់ និងអាមេរិក កាលពីថ្ងៃទី៧ ឧសភា បានធ្វើឲ្យក្តីសង្ឃឹមសន្តិភាពកាន់តែរសាត់ឆ្ងាយ។
