By កប៉ាល់ទេសចរណ៍ប្រណីត MV Hondius ដែលកំពុងផ្ទុះជំងឺ Hantavirus ដ៏សាហាវបានចូលចតនៅកំពង់ផែ Granadilla កោះ Tenerife ប្រទេសអេស្ប៉ាញ កាលពីព្រឹកថ្ងៃទី១០ ឧសភា ដើម្បីជម្លៀសអ្នកដំណើរ និងនាវិកមួយចំនួន។
អាជ្ញាធរអេស្ប៉ាញបញ្ជាក់ថា អ្នកដំណើរទាំងអស់គ្មានសញ្ញាឆ្លងមេរោគទេ ប៉ុន្តែត្រូវបានធ្វើតេស្ត និងដឹកទៅកាន់ព្រលានយន្តហោះវិញ។ សមាជិកនាវិកចំនួន ៣០ នាក់នឹងស្នាក់នៅលើនាវា ហើយធ្វើដំណើរទៅហូឡង់ដើម្បីសម្លាប់មេរោគ។
អង្គការសុខភាពពិភពលោក (WHO) បានឲ្យដឹងថា មនុស្ស ៨ នាក់បានធ្លាក់ខ្លួនឈឺ ក្នុងនោះ ៣ នាក់បានស្លាប់ រួមមានប្តីប្រពន្ធជនជាតិហូឡង់ និងជនជាតិអាល្លឺម៉ង់ម្នាក់។ ក្នុងចំណោមអ្នកឈឺ ៦ នាក់ត្រូវបានបញ្ជាក់ថាឆ្លង Hantavirus។
លោក Tedros Adhanom Ghebreyesus អគ្គនាយក WHO បានចុះមកសម្របសម្រួលផ្ទាល់នៅ Tenerife។ កប៉ាល់នេះបានចាកចេញពីឆ្នេរ Cape Verde តាំងពីថ្ងៃទី៦ ឧសភា បន្ទាប់ពីរកឃើញមេរោគនេះ៕
