By ក្រុមហ៊ុន Grab ដែលជា Superapp ឈានមុខគេនៅអាស៊ីអាគ្នេយ៍ បានបើកយុទ្ធនាការ «នៅពីក្រោយអាហាររបស់អ្នក» (Behind Your Meal) ពេញមួយខែឧសភា ដើម្បីលើកតម្កើងការលះបង់ និងការតស៊ូរបស់ដៃគូដឹកជញ្ជូនដែលពុះពារកម្តៅថ្ងៃ ភ្លៀង និងកកស្ទះចរាចរណ៍ បម្រើសហគមន៍កម្ពុជា។
**ការផ្តល់ជូនអាហារ ភ្ជាប់ទំនាក់ទំនងអ្នកប្រើប្រាស់ និងដៃគូដឹកជញ្ជូន**
អ្នកប្រើប្រាស់អាចចូលរួមកម្មវិធី «Treat a Meal for Driver» ចាប់ពីថ្ងៃទី ០១ ដល់ ២២ ខែឧសភា ឆ្នាំ ២០២៦ ដោយបញ្ជាទិញអាហារជូនអ្នកបើកបរ ជាកាយវិការដឹងគុណ។ អ្នកដែលផ្តល់ជូនអាហាររហូតដល់ ៣ ដង នឹងទទួលបានអាវក្រៅ ឬមួកសុវត្ថិភាព Grab គុណភាពខ្ពស់។
**ការគោរពចំពោះភាពអត់ធ្មត់ និងការតស៊ូរបស់ក្រុមអ្នកដឹកជញ្ជូន**
យុទ្ធនាការនេះរំលឹកថា នៅពីក្រោយរាល់ការដឹកជញ្ជូន គឺជារឿងរ៉ាវនៃការពុះពារ និងលះបង់។ លោក កង សុវណ្ណារ៉ូត នាយកគ្រប់គ្រង Grab ប្រចាំកម្ពុជា និងមីយ៉ាន់ម៉ា មានប្រសាសន៍ថា៖ «រាល់ថ្ងៃ ដៃគូដឹកជញ្ជូនយើងពុះពារគ្រប់ឧបសគ្គ នាំមកនូវភាពងាយស្រួលដល់សហគមន៍ទូទាំងប្រទេស។ ភាពអត់ធ្មត់របស់ពួកគេ គឺជាឆ្អឹងខ្នងនៃប្រតិបត្តិការរបស់យើង»។
**ជំនួយកញ្ចប់រដូវក្តៅ៖ សម្រាលទុក្ខលំបាកជាក់ស្ដែងនៅតាមដងផ្លូវ**
កាលពីថ្ងៃទី ០៥-០៩ ខែឧសភា Grab បានចែកចាយកញ្ចប់ជំនួយចាំបាច់ដល់ដៃគូដឹកជញ្ជូនចំនួន ៣,០០០ នាក់ នៅភ្នំពេញ សៀមរាប និងព្រះសីហនុ រួមមាន៖
● កង្ហារយួរដៃខ្នាតតូច និងទឹកបរិសុទ្ធ ១.៥ លីត្រ សម្រាលកម្តៅ
● ស្រោមដៃ និងម៉ាស ការពារសុវត្ថិភាព និងអនាម័យ
● កាតចាក់សាំង ៥ លីត្រ កាត់បន្ថយចំណាយប្រេងឥន្ធនៈប្រចាំថ្ងៃ
**អំពីក្រុមហ៊ុន Grab**
Grab គឺជា Superapp ឈានមុខគេនៅអាស៊ីអាគ្នេយ៍ ប្រតិបត្តិការលើវិស័យដឹកជញ្ជូនទំនិញ អ្នកដំណើរ និងសេវាហិរញ្ញវត្ថុឌីជីថល ក្នុង ៨០០ ក្រុង នៃ ៨ ប្រទេស។ បង្កើតឡើងក្នុងឆ្នាំ ២០១២ ជាមួយបេសកកម្មជំរុញតំបន់អាស៊ីអាគ្នេយ៍ឱ្យរីកចម្រើន តាមរយៈការបង្កើតលទ្ធភាពសេដ្ឋកិច្ចសម្រាប់មនុស្សគ្រប់គ្នា។
អត្ថបទសហការ
