ឧបនាយករដ្ឋមន្ត្រី កើត រិទ្ធ ផ្តាំផ្ញើសិស្សយុត្តិធម៌ថ្មីត្រូវធ្វើខ្លួនជាបង្អែកដ៏កក់ក្តៅរបស់ប្រជាពលរដ្ឋ

ភ្នំពេញ៖ លោក កើត រិទ្ធ ឧបនាយករដ្ឋមន្ត្រី រដ្ឋមន្រ្តីក្រសួងយុត្តិធម៌ បានផ្តាំផ្ញើដល់សិស្សចៅក្រម-ព្រះរាជអាជ្ញា សិស្សក្រឡាបញ្ជី សិស្សអាជ្ញាសាលា និងសិស្សសារការី ឲ្យខិតខំបំពេញមុខងារដោយស្មោះត្រង់ និងទទួលខុសត្រូវខ្ពស់។ លោកបានសង្កត់ធ្ងន់ថា ក្នុងនាមជាមន្ត្រីយុត្តិធម៌ ត្រូវធ្វើខ្លួនជាបង្អែកដ៏កក់ក្តៅសម្រាប់ប្រជាពលរដ្ឋ ជាពិសេសអ្នកដែលរងការរំលោភបំពានដោយអយុត្តិធម៌។ លោកបន្តថា ការប្រកាន់ខ្ជាប់នូវស្មារតីនេះ នឹងលើកកម្ពស់គុណភាពសេវាយុត្តិធម៌ កិត្តិយស និងសេចក្តីថ្លៃថ្នូររបស់មន្ត្រីក្នុងវិស័យយុត្តិធម៌។

ដោយ៖ សិលា