ជីវិត និងសង្គម

ភ្នំពេញ៖ ក្រោមគំនិតផ្ដួចផ្ដើមរបស់រដ្ឋមន្ត្រីការបរទេសអង់គ្លេស ប្រទេសចំនួន៣៥បានរួមប្រជុំគ្នាតាមវីដេអូខេនហ្វេរេន ដើម្បីពិភាក្សាពីបញ្ហាសន្តិសុខនៅច្រកសមុទ្រហើមូស ដែលត្រូវបានបិទខ្ទប់អស់ពេលជាង១ខែមកហើយ។ ប្រទេសទាំងនោះមានការព្រួយបារម្ភចំពោះការបិទខ្ទប់ច្រកសមុទ្រហើមូស ដោយសារការរួមដៃគ្នារបស់អាមេរិកនិងអ៉ីស្រាអែលវាយប្រហារអ៉ីរ៉ង់។ ដើម្បីឆ្លើយតបចំពោះការបិទខ្ទប់ច្រកសមុទ្រនោះ រដ្ឋមន្ត្រីការបរទេសអង់គ្លេស លោកស្រី YVETTE COOPER បានរៀបចំធ្វើនាថ្ងៃទី២មេសា វីដេអូខេនហ្វេរេនជាមួយប្រទេស៣៥ ដើម្បីលើកឡើងពីកិច្ចការពារសន្តិសុខច្រកសមុទ្រហើមូស។ នាយករដ្ឋមន្ត្រីអង់គ្លេស លោកកៀរស្តាម័រ បានថ្លែងក្នុងសន្និសីទសារព័ត៌មានមួយនាព្រឹកថ្ងៃទី២មេសា ថា៖ “អង់គ្លេសនាពេលនេះបានប្រមូលប្រទេស៣៥មកពិភាក្សាគ្នា…

ព្រះសីហនុ – នាវាទេសចរណ៍យក្សឈ្មោះ Seven Seas Mariner សញ្ជាតិបាហាម៉ាស់ បានចូលចតកំពង់ផែស្វយ័តក្រុងព្រះសីហនុដោយសុវត្ថិភាពនៅព្រឹកថ្ងៃទី២ ខែមេសា ឆ្នាំ២០២៦។ នាវាទេសចរណ៍ដ៏ធំនេះបាននាំភ្ញៀវទេសចរចំនួន ៦០៩ នាក់ ក្នុងនោះមានស្រី ៣២៣ នាក់ មកពី៨៧សញ្ជាតិផ្សេងៗ។ ភ្ញៀវទេសចរភាគច្រើនជាជនជាតិសហរដ្ឋអាមេរិក ដែលមានចំនួនរហូតដល់ ៤០០…

រាជធានីភ្នំពេញ៖ ករណីឆេះតូបលក់ការ៉េមមួយកន្លែងបានកើតឡើងនៅព្រឹកថ្ងៃទី០២ ខែមេសា ឆ្នាំ២០២៦ នៅក្នុងភូមិកោះនរា សង្កាត់និរោធ ខណ្ឌច្បារអំពៅ ដោយសង្ស័យឆ្លងចរន្តអគ្គិសនី ខណៈម្ចាស់តូបមិនទាន់បានបើកលក់ទេ។ ហេតុការណ៍នេះបានកើតឡើងនៅម៉ោង៥និង៥០នាទីព្រឹក នៅពេលដែលប្រជាពលរដ្ឋដែលកំពុងដើរហាត់ប្រាណតាមដងទន្លេមេគង្គបានឃើញអណ្ដាតភ្លើងកំពុងឆេះសន្ធោសន្ធៅនៅតូបលក់ការ៉េម។ ពួកគាត់បានរាយការណ៍ទៅលេខទូរស័ព្ទ៦៦៦របស់រថយន្តបង្ការពន្លត់អគ្គីភ័យរបស់ស្នងការដ្ឋាននគរបាលរាជធានីភ្នំពេញភ្លាមៗ។ ក្រោយពីទទួលបានព័ត៌មាន សមត្ថកិច្ចការិយាល័យបង្ការពន្លត់អគ្គីភ័យរបស់ស្នងការរាជធានីភ្នំពេញបានដឹកនាំកម្លាំងចុះទៅកន្លែងកើតហេតុចំនួន២គ្រឿង ហើយបានបាញ់ពន្លត់ភ្លើងបានដោយជោគជ័យ។ តូបការ៉េមនៅក្នុងកោះនរាត្រូវបានខូចខាតអស់ទាំងស្រុង រួមទាំងសម្ភារៈទាំងអស់នៅក្នុងតូប។ ម្ចាស់តូបមិនទាន់មកដល់កន្លែងកើតហេតុ ហើយមិនទាន់ដឹងថាសម្ភារៈមានតម្លៃប៉ុន្មានទេ។ សំណាងល្អដែលមិនមានអ្នករបួសឬស្លាប់នៅក្នុងហេតុការណ៍នេះទេ។…

ភ្នំពេញ៖ លោក ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (CMAC) បានជួបពិភាក្សាការងារជាមួយឯកអគ្គរដ្ឋទូតចិនប្រចាំកម្ពុជា ឯកឧត្តម Wang Wenbin នៅស្ថានទូតចិនកាលពីថ្ងៃទី១ ខែមេសា ឆ្នាំ២០២៦។ ក្នុងជំនួបនេះ លោក ហេង រតនា បានរាយការណ៍ពីវឌ្ឍនភាពកិច្ចប្រតិបត្តិការបោសសម្អាតមីន និងសំណល់ជាតិផ្ទុះពីសង្គ្រាម ជាពិសេសក្រោមគម្រោងជំនួយចិនលុបបំបាត់គ្រាប់មីននៅកម្ពុជា។…

រាជធានីភ្នំពេញ៖ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានចេញបទបញ្ជាពង្រឹងសន្តិសុខសណ្តាប់ធ្នាប់ និងសុវត្ថិភាពសង្គមក្នុងឱកាសបុណ្យចូលឆ្នាំថ្មីប្រពៃណីខ្មែរ និងព្រឹត្តិការណ៍«នគរសង្ក្រាន្ត»។ កាលពីរសៀលថ្ងៃទី៣១ ខែមីនា ឆ្នាំ២០២៦ លោកជួន ណារិន្ទ បានដឹកនាំកិច្ចប្រជុំបូកសរុបសភាពការណ៍លទ្ធផលការងារសន្តិសុខត្រីមាសទី១ និងលើកទិសដៅការងារបន្តសម្រាប់ត្រីមាសទី២។ កិច្ចប្រជុំមានការចូលរួមពីស្នងការរង អនុប្រធានផែនការ នាយការិយាល័យជំនាញទាំង៣៣ អធិការនគរបាលខណ្ឌទាំង១៤…

ភ្នំពេញ៖ អគ្គនាយកដ្ឋានអន្តោប្រវេសន៍បានប្រកាសថា ក្នុងអំឡុងចុងខែមីនាឆ្នាំ២០២៦ ជនបរទេសសរុបចំនួន ១,៥២៨នាក់ (ស្រី ២៣២នាក់) មកពី២៣សញ្ជាតិផ្សេងគ្នា ត្រូវបានបណ្ដេញចេញពីព្រះរាជាណាចក្រកម្ពុជា។ ការបណ្ដេញចេញនេះធ្វើឡើងតាមការណែនាំរបស់ថ្នាក់ដឹកនាំក្រសួងមហាផ្ទៃ ដោយអនុវត្តតាមវិធានការច្បាប់យ៉ាងម៉ឺងម៉ាត់។ ក្នុងចំណោមជនបរទេសដែលត្រូវបណ្ដេញចេញ មានជនជាតិចិនចំនួន៣២៧នាក់ (ស្រី២០នាក់) ដែលពាក់ព័ន្ធនឹងករណីឆបោកតាមប្រព័ន្ធអនឡាញ (Online Scams)។ បទល្មើសផ្សេងៗដែលជនបរទេសទាំងនេះប្រព្រឹត្តមានដូចជា៖ លួចឆ្លងដែន បន្លំឯកសារក្លែងក្លាយ…

សហរដ្ឋអាមេរិកនឹងចាកចេញពីអ៉ីរ៉ង់ក្នុងរយៈពេល ២-៣សប្ដាហ៍ទៀត បន្ទាប់ពីជាង១ខែនៃសង្គ្រាមប្រឆាំងប្រទេសនេះ។ នេះបើយោងតាមការអះអាងរបស់លោកដូណាល់ត្រាំ ប្រធានាធិបតីសហរដ្ឋអាមេរិក នៅថ្ងៃទី៣១ មីនា។ លោកត្រាំបានអះអាងថា៖ “គ្មានហេតុផលអ្វីដែលយើងស្ថិតនៅអ៉ីរ៉ង់ក្នុងពេលយូរមិនកំណត់មួយនោះឡើយ។ អាមេរិកបានកម្ទេចរួចហើយ មួយផ្នែកធំនៃសមត្ថភាពផលិតមីស៊ីលរបស់អ៉ីរ៉ង់។ យើងនឹងបញ្ចប់ការងាររបស់យើងហើយ ខ្ញុំគិតថា ក្នុងពេល២សប្ដាហ៍ ឬប៉ុន្មានថ្ងៃបន្ថែមពីនេះ ឬតិចជាងនេះទៀត យើងនឹងបញ្ចប់ការងាររបស់យើងហើយ។” លោកបានលើកឡើងម្យ៉ាងទៀតថា វាអាចដែលសហរដ្ឋអាមេរិកនឹងចុះហត្ថលេខាលើកិច្ចព្រមព្រៀងមួយក្នុងពេលបន្តិចទៀត។ លោកបានបញ្ជាក់ថា៖…

សង្គ្រាមអ៉ីរ៉ង់៖ ស្នូរផ្ទុះខ្លាំងៗ និងភ្លើងឆាបឆេះកើតមាននៅក្រុងអ៉ីស្ប៉ាហាន់ ភាគកណ្ដាលអ៉ីរ៉ង់ កាលពីទៀបភ្លឺថ្ងៃទី៣១ មីនា។ ការវាយប្រហារនោះ បណ្ដាលឲ្យមានការជះអណ្ដាតភ្លើងដ៏ធំទៅលើអាកាស។ បណ្ដារូបភាពផ្សាយតាមបណ្ដាញសង្គមបង្ហាញដុំភ្លើងដ៏ធំ និងពពកផ្សែងខ្មៅយ៉ាងក្រាស់ជះទៅលើអាកាសនាពេលយប់ ព្រមទាំងស្នូរផ្ទុះដទៃទៀតនៅតំបន់ជុំវិញក្រុងអ៉ីស្ប៉ាហាន់ដែលមានមូលដ្ឋានអាកាសចរណ៍ធំមួយ និងមានទីតាំងនានាទាក់ទិនជាមួយនុយក្លេអ៊ែរ។ ឧប្បត្តិហេតុទាំងនោះ កើតមានពេលដែលការវាយប្រហារគ្នាទៅវិញទៅមកកើតមានរវាងអ៉ីរ៉ង់ អាមេរិក និងអ៉ីស្រាអែល ដោយការវាយប្រហារទាំងនោះសំដៅជាពិសេសលើបណ្ដាទីតាំងយោធានិងយុទ្ធសាស្ត្រ។ អត្ថបទសរសេរដោយ៖ ខាន់ សុខឃន…

ខេត្តកំពង់ស្ពឺ៖ នគរបាលបានឃាត់ខ្លួនជនសង្ស័យម្នាក់ភ្លាមៗក្រោយពីធ្វើសកម្មភាពយកដុំថ្មគប់លើរថយន្តបណ្ដាលឲ្យបែកកញ្ចក់ និងកាន់ដំបងដេញវាយម្ចាស់រថយន្តដែលជាស្មៀនឃុំស្រីនៃស្រុកសំរោងទង។ ហេតុការណ៍នេះបានកើតឡើងនៅវេលាម៉ោង៧:០៥នាទីព្រឹកថ្ងៃទី៣១ ខែមីនា ឆ្នាំ២០២៦ នៅក្នុងភូមិត្រពាំងខ្យង ឃុំរលាំងគ្រើល ស្រុកសំរោងទង ខេត្តកំពង់ស្ពឺ។ ស្មៀនឃុំសែនដី ឈ្មោះ ណុប ដារ៉ា អាយុ៣៤ឆ្នាំ បានបើករថយន្តតូយ៉ូតាកាមរីពណ៌ស លេខផ្លាកភ្នំពេញ 1AW-0483 តាមផ្លូវលេខ១៤១។ នៅពេលធ្វើដំណើរមកដល់តំបន់ភូមិត្រពាំងខ្យង…

ខេត្តបន្ទាយមានជ័យ៖ គ្រោះថ្នាក់ចរាចរណ៍ធ្ងន់ធ្ងរបានកើតឡើងនៅថ្ងៃទី៣១ ខែមីនា ឆ្នាំ២០២៦ តាមផ្លូវជាតិលេខ៥ នៅភូមិនិមិត្ត២ សង្កាត់និមិត្ត ក្រុងប៉ោយប៉ែត នៅពេលរថយន្តដឹកទឹកកកបុកជាមួយរថយន្តកាមរី រុលទៅបុកសំយ៉ាបផ្ទះខូចខាត និងបណ្តាលរបួសម្នាក់។ អ្នកឃើញហេតុការណ៍បានប្រាប់ថា នៅពេលគ្រោះថ្នាក់កើតឡើង មានរថយន្តម៉ាក់ហ៊ីយិនដាយពាក់ផ្លាក់លេខបាត់ដំបង 3A-3103 ដឹកទឹកកកថ្មគោល បានបើកបរទិសដៅពីកើតមកលិច ឡើងវ៉ាជេញរ៉េចង្កូតទៅបុករថយន្តកាមរី ដែលបើកបរទិសដៅបញ្ច្រាសគ្នាពីលិចមកកើត ពេញទំហឹងរុលទៅបុកសំយ៉ាបផ្ទះបញ្ញើទំនិញវីរៈប៊ុនថាំ…