By ប្រទេសម៉ាឡេស៊ី – បងប្អូនខ្មែរជាង ៥០០នាក់ រួមទាំងពលករ សហគមន៍ និងនិស្សិតដែលកំពុងធ្វើការងារ និងស្នាក់នៅក្នុងប្រទេសម៉ាឡេស៊ី បានរៀបចំពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំ២០២៦យ៉ាងអឺងកង សប្បាយរីករាយ ដើម្បីបង្ហាញវប្បធម៌ ប្រពៃណីទំនៀមទម្លាប់ និងអត្តសញ្ញាណជាតិខ្មែរលើឆាកអន្តរជាតិ។
ពិធីនេះរៀបចំឡើងក្រោមកិច្ចសហការរវាងក្រុមការងារនៃក្រសួងការងារ និងបណ្តុះបណ្តាលវិជ្ជាជីវៈ ស្ថានឯកអគ្គរាជទូតកម្ពុជាប្រចាំនៅប្រទេសម៉ាឡេស៊ី និងក្រុមការងារយុវជននៅទ្វីបអាស៊ីខាងកើត និងអាគ្នេយ៍ (ESEA) នៅទីតាំងចំនួន២កន្លែង។
ពិធីជួបជុំដ៏សប្បាយអឺងកងនេះ ជាពេលវេលាដ៏សំខាន់សម្រាប់បងប្អូនខ្មែរនៅក្រៅប្រទេសក្នុងការរួបរួមសាមគ្គីភាព បន្តរក្សាប្រពៃណីទំនៀមទម្លាប់ និងបង្ហាញអត្តសញ្ញាណជាតិខ្មែរឱ្យកាន់តែរឹងមាំនៅលើឆាកអន្តរជាតិ។
កម្មវិធីមានទាំងពិធីសាសនា ការលេងល្បែងប្រពៃណី ការរាំកម្សាន្ត និងការជួបជុំពិសាអាហារដែលជាការពូនជ្រំសាមគ្គីភាពរបស់បងប្អូនជនរួមជាតិខ្មែរតែមួយ បើទោះបីជានៅទីណាក៏ដោយ។
ពិធីនេះបង្ហាញពីការរួបរួមគ្នារបស់សហគមន៍ខ្មែរនៅក្រៅប្រទេសក្នុងការថែរក្សាប្រពៃណីវប្បធម៌ជាតិ និងបង្កើនភាពរឹងមាំរបស់អត្តសញ្ញាណខ្មែរនៅលើឆាកអន្តរជាតិ។
ដោយសារតែការចូលរួមយ៉ាងសកម្មពីសំណាក់បងប្អូនខ្មែរទាំងអស់ ពិធីនេះបានទទួលជោគជ័យយ៉ាងល្អ និងបានបង្ហាញពីភាពស្វិតស្វាញរបស់សហគមន៍ខ្មែរនៅប្រទេសម៉ាឡេស៊ី។
ការរៀបចំពិធីបុណ្យចូលឆ្នាំខ្មែរនៅប្រទេសម៉ាឡេស៊ីនេះ ជាភស្តុតាងដ៏ច្បាស់លាស់នៃការថែរក្សាអត្តសញ្ញាណជាតិ និងការរួបរួមគ្នារបស់បងប្អូនខ្មែរនៅទូទាំងពិភពលោក។
ដោយ ៖ សិលា
