By ខេត្តកណ្តាល៖ មានហេតុការណ៍គួរឱ្យភ្ញាក់ផ្អើលមួយបានកើតឡើងនៅព្រឹកថ្ងៃទី១៦ មេសា ២០២៦ នៅពេលបុរសម្នាក់ត្រូវជាប់គាំងនៅក្នុងរថយន្តអគ្គិសនីម៉ាក Mazda EZ-60 បន្ទាប់ពីរថយន្តរលត់ភ្លាមៗ និងប្រព័ន្ធសោទ្វារជាប់យ៉ាងជាប់ជាប់។
ហេតុការណ៍នេះបានកើតឡើងនៅតំបន់ព្រែកខ្សាយ ឃុំស្វាយប្រទាយ ស្រុកស្អាង ខេត្តកណ្ដាល។ តាមព័ត៌មានបឋមបញ្ជាក់ថា រថយន្តបានបើកបរដោយធម្មតា ប៉ុន្តែស្រាប់តែមានបញ្ហាបច្ចេកទេស បណ្ដាលឱ្យរលត់ និងបិទប្រព័ន្ធខាងក្នុងទាំងស្រុង ចាប់តាំងពីម៉ោងជិត៦ព្រឹក។
ប្រភពនៅកន្លែងកើតហេតុបានឱ្យដឹងថា អ្នកបើកបរនៅខាងក្នុងរថយន្តបានលើកដៃឱ្យសញ្ញាសុំជំនួយ ខណៈប្រជាពលរដ្ឋនៅជុំវិញកំពុងព្យាយាមរកវិធីជួយសង្គ្រោះ ដើម្បីបើកទ្វារយានយន្តឱ្យបានឆាប់រហ័ស។
មកទល់ពេលនេះ សមត្ថកិច្ច និងកម្លាំងជំនាញពាក់ព័ន្ធកំពុងចុះអន្តរាគមន៍ ដើម្បីដោះស្រាយបញ្ហាដោយប្រុងប្រយ័ត្ន។ មូលហេតុជាក់លាក់នៃការរលត់ និងជាប់ Lock នេះ កំពុងស្ថិតក្រោមការស្រាវជ្រាវបន្ថែម។
