រលកស៊ូណាមិយក្សវាយប្រហារជប៉ុន ប្រកាសអាសន្នជម្លៀសប្រជាពលរដ្ឋបន្ទាន់

រលកស៊ូណាមិយក្សបានវាយប្រហារតំបន់ឆ្នេរសមុទ្រជាច្រើននៅភាគខាងជើងប្រទេសជប៉ុន ក្រោយពីការរញ្ជួយដីខ្លាំងកម្រិត ៧.៥ រ៉ិចទ័រកើតឡើងនៅថ្ងៃចន្ទទី២០ ខែមេសា ឆ្នាំ២០២៦។

តាមការផ្សាយព័ត៌មានរបស់ CNA រលកស៊ូណាមិដែលមានកម្ពស់ខ្ពស់បានវាយប្រហារតំបន់ឆ្នេរសមុទ្រជាច្រើន រួមមាន៖

• ក្រុង Urakawa នៃកោះ Hokkaido
• តំបន់ Shono នៃក្រុង Erimo
• កំពង់ផែ Mutsu Ogawara នៃតំបន់ Aomori
• កំពង់ផែ Hachinohe នៃតំបន់ Aomori
• ក្រុង Miyako នៃតំបន់ Iwate
• ក្រុង Ofunato នៃតំបន់ Iwate
• ក្រុង Kamaishi នៃតំបន់ Iwate

រញ្ជួយដីនេះមានចំណុចកណ្តាលនៅជម្រៅ ១០គីឡូម៉ែត្រ ជិតឆ្នេរ Sanriku ដែលធ្វើឲ្យអគារខ្ពស់ៗនៅទីក្រុងតូក្យូអាចញ័របាន ទោះបីជាមានចម្ងាយរាប់រយគីឡូម៉ែត្រពីចំណុចកណ្តាលក៏ដោយ។

រដ្ឋាភិបាលជប៉ុនបានប្រកាសស្ថានភាពអាសន្ន ទាញសញ្ញាព្រមានរលកស៊ូណាមិ និងចាប់ផ្តើមជម្លៀសប្រជាពលរដ្ឋយ៉ាងបន្ទាន់ពីតំបន់ឆ្នេរសមុទ្រ។ ការជម្លៀសនេះធ្វើឡើងដើម្បីការពារជីវិតប្រជាពលរដ្ឋពីគ្រោះថ្នាក់រលកស៊ូណាមិ។

អ្នកជំនាញរញ្ជួយដីបានឲ្យដឹងថា កម្លាំងរញ្ជួយដីនេះគឺខ្លាំងពេក អាចធ្វើឲ្យអគារខ្ពស់ៗនៅទីក្រុងតូក្យូញ័របាន ដោយសារតែចំណុចកណ្តាលមានជម្រៅត្រឹមតែ ១០គីឡូម៉ែត្រប៉ុណ្ណោះ។

រដ្ឋាភិបាលជប៉ុនបន្តដំឡើងការព្រមាន និងដាក់ឲ្យប្រើប្រាស់ប្រព័ន្ធព្រមានមុនពេលមានគ្រោះថ្នាក់ធម្មជាតិទាំងអស់នៅទូទាំងប្រទេស។