By ហ្វីលីពីន ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញចូលរួមក្នុងជំនួបអាហារពេលព្រឹកការងារត្រីភាគី ជាមួយឯកឧត្តម សនសៃ ស៊ីផាន់ដន នាយករដ្ឋមន្ត្រីឡាវ និងឯកឧត្តម ឡេ មិញហ៊ឹង នាយករដ្ឋមន្ត្រីវៀតណាម នៅទីក្រុងសេប៊ូ ប្រទេសហ្វីលីពីន។
ជំនួបកំពូលខ្នាតតូចនេះ ប្រព្រឹត្តទៅនៅព្រឹកថ្ងៃទី០៨ ខែឧសភា ឆ្នាំ២០២៦ ក្នុងឱកាសថ្នាក់ដឹកនាំកំពុងមានវត្តមានចូលរួមកិច្ចប្រជុំតំបន់នៅហ្វីលីពីន។
ជំនួបនេះ មិនត្រឹមតែជាការបន្តប្រពៃណីនៃការជួបពិភាក្សារវាងមេដឹកនាំកម្ពុជា ឡាវ និងវៀតណាមប៉ុណ្ណោះទេ ប៉ុន្តែវាក៏ជាសក្ខីភាពបញ្ជាក់យ៉ាងច្បាស់ពីសាមគ្គីភាព និងការប្តេជ្ញាចិត្តខ្ពស់ក្នុងការសម្រេចឱ្យបាននូវតំបន់ត្រីកោណអភិវឌ្ឍន៍ (CLV-DTA) ដែលប្រកបដោយវិបុលភាព និងសុខដុមរមនា។
តាមរយៈជំនួបនេះ មេដឹកនាំទាំងបីប្រទេសបានពិភាក្សាអំពីការពង្រឹងទំនាក់ទំនង និងកិច្ចសហប្រតិបត្តិការលើវិស័យសំខាន់ៗ ដើម្បីជំរុញកំណើនសេដ្ឋកិច្ច និងអភិវឌ្ឍន៍តំបន់ត្រីកោណឱ្យកាន់តែមានប្រសិទ្ធភាព។
នេះជាសញ្ញាបង្ហាញពីឆន្ទៈដ៏មុតមាំរបស់មេដឹកនាំទាំងបីក្នុងការជំរុញកិច្ចសហប្រតិបត្តិការត្រីភាគីឱ្យកាន់តែស៊ីជម្រៅ ដើម្បីផលប្រយោជន៍រួមរបស់ប្រជាជនក្នុងតំបន់។
