By ខេត្តបន្ទាយមានជ័យ៖ កម្លាំងអគ្គស្នងការដ្ឋាននគរបាលជាតិ សហការជាមួយគណៈបញ្ជាការឯកភាពខេត្ត បានបើកប្រតិបត្តិការត្រួតពិនិត្យទីតាំងសង្ស័យធ្វើអំពើឆបោកតាមប្រព័ន្ធបច្ចេកវិទ្យា (Online Scams) ចំនួនពីរកន្លែង កាលពីថ្ងៃទី១៨ ខែឧសភា ឆ្នាំ២០២៦។
ទីតាំងទីមួយ ស្ថិតនៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត កម្លាំងសមត្ថកិច្ចបានរកឃើញជនជាតិវៀតណាមសរុបចំនួន ១០១នាក់ (ស្រី៣៨នាក់)។
ទីតាំងទីពីរ ជាអគារកម្ពស់៥ជាន់ មាន៤៦បន្ទប់ ស្ថិតក្នុងភូមិអូរជ្រៅ សង្កាត់អូរជ្រៅ កម្លាំងបានរកឃើញជនជាតិថៃចំនួន ៣៤នាក់ (ស្រី១៧នាក់)។
ប្រតិបត្តិការនេះធ្វើឡើងតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ឯក យឹម លាង និងលោក អ៊ុំ រាត្រី ដោយមានការសម្របសម្រួលពីព្រះរាជអាជ្ញា ក្រោមការដឹកនាំផ្ទាល់របស់លោក លៀម សុដា អភិបាលរងខេត្ត។
បច្ចុប្បន្ន កម្លាំងជំនាញកំពុងបន្តការសួរនាំ ដើម្បីចាត់ការតាមនីតិវិធីច្បាប់។
