ឃាត់ខ្លួនជនសង្ស័យ ៤នាក់ ករណីជួញដូរ និងប្រើប្រាស់គ្រឿងញៀននៅស្រុកស្អាង

ខេត្តកណ្តាល៖ កម្លាំងនគរបាលផ្នែកប្រឆាំងគ្រឿងញៀនស្រុកស្អាង សហការជាមួយកម្លាំងនគរបាលប៉ុស្តិ៍រដ្ឋបាលព្រែកអំបិល បានឃាត់ខ្លួនជនសង្ស័យចំនួន ៤នាក់ ករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន (ម៉ាទឹកកក) កាលពីថ្ងៃទី១៨ ខែឧសភា ឆ្នាំ២០២៦ វេលាម៉ោង ១០ និង ១០នាទី នៅចំណុចភូមិព្រែកអំបិល ឃុំព្រែកអំបិល ស្រុកស្អាង ខេត្តកណ្តាល។

ការឃាត់ខ្លួននេះ គឺធ្វើឡើងដោយអនុវត្តតាមបទបញ្ជារបស់លោកវរសេនីយ៍ឯក រស់ ចន្ថា អធិការនគរបាលស្រុកស្អាង។

ជនសង្ស័យទាំង ៤នាក់ រួមមាន៖

1. យន រុន ភេទប្រុស អាយុ ៣៣ឆ្នាំ ជនជាតិខ្មែរ មានទីលំនៅភូមិព្រែកតាឡៃ ឃុំព្រែកអំបិល វិជ្ជមានសារធាតុញៀនក្នុងទឹកនោម(+)
2. ម៉ុង វណ្ណថា ហៅដន ភេទប្រុស អាយុ ៤៤ឆ្នាំ ជនជាតិខ្មែរ មានទីលំនៅភូមិត្រើយត្រឹង្ស ឃុំព្រែកអំបិល វិជ្ជមានសារធាតុញៀនក្នុងទឹកនោម(+)
3. ហ៊ សៀវវីន ភេទប្រុស អាយុ ៣៣ឆ្នាំ ជនជាតិខ្មែរ មានទីលំនៅភូមិត្រើយត្រឹង្ស ឃុំព្រែកអំបិល វិជ្ជមានសារធាតុញៀនក្នុងទឹកនោម(+)
4. ឡេង សូយទី ភេទប្រុស អាយុ ៣៣ឆ្នាំ ជនជាតិខ្មែរ មានទីលំនៅភូមិព្រែកប៉ាង ឃុំកោះខែល វិជ្ជមានសារធាតុញៀនក្នុងទឹកនោម(+)

វត្ថុតាងចាប់យកបានរួមមាន៖

• សារធាតុញៀនមេតំហ្វេតាមីន (Ice) ចំនួន ៣កញ្ចប់ ទម្ងន់ ០,៥៣ ក្រាម
• ទូរសព្ទដៃចំនួន ២គ្រឿង (ម៉ាក Samsung ១គ្រឿងពណ៌ប្រផេះ និង iPhone ១គ្រឿងពណ៌ស)

បច្ចុប្បន្ន ជនសង្ស័យរួមជាមួយវត្ថុតាង ត្រូវបានបញ្ជូនទៅកាន់អធិការដ្ឋាននគរបាលស្រុកស្អាង ដើម្បីសាកសួរបន្ត និងកសាងសំណុំរឿងចាត់ការតាមនីតិវិធីច្បាប់។