By ក្រុមហ៊ុន អ អិម អេ (ខេមបូឌា) ម.ក តំណាងចែកចាយផ្លូវការ ចនឌ័រ (John Deere) នៅកម្ពុជា បានបើកសម្ពោធជាផ្លូវការនូវមជ្ឈមណ្ឌលសេវាកម្មថ្មីប្រចាំស្រុកឱរ៉ាល់ ខេត្តកំពង់ស្ពឺ កាលពីថ្ងៃទី១៦ ខែឧសភា ឆ្នាំ២០២៦ ដោយមានការចូលរួមពីភ្ញៀវកិត្តិយស អាជ្ញាធរមូលដ្ឋាន អតិថិជន និងបុគ្គលិកជាង ៣០០នាក់។
មជ្ឈមណ្ឌលថ្មីនេះ ស្ថិតនៅភូមិតានិល ឃុំត្រពាំងជោ ស្រុកឱរ៉ាល់ ជាតំបន់មានសក្តានុពលកសិកម្មខ្ពស់ ជាពិសេសឧស្សាហកម្មអំពៅ។ លោក ងន សាំង អគ្គនាយកក្រុមហ៊ុន បានថ្លែងថា ទីតាំងនេះជាទីតាំងធំទី៦ របស់ ចនឌ័រ នៅកម្ពុជា ដែលមិនត្រឹមតែជាកន្លែងដាក់តាំងបង្ហាញប៉ុណ្ណោះទេ ប៉ុន្តែជាមជ្ឈមណ្ឌលសេវាកម្មពេញលេញ មានក្រុមជាងជំនាញប្រចាំមូលដ្ឋាន អាចឆ្លើយតបនឹងអតិថិជនបានលឿនរហ័ស ដើម្បីធានាមិនឱ្យមានការរាំងស្ទះក្នុងរដូវប្រមូលផល និងដាំដុះ។
ក្នុងឱកាសនេះដែរ ក្រុមហ៊ុនក៏បានបើកបង្ហាញជាផ្លូវការនូវត្រាក់ទ័រ ចនឌ័រ ស៊េរី 6B ថ្មី ដែលត្រូវបានអភិវឌ្ឍឱ្យកាន់តែមានប្រសិទ្ធភាព សម្រាប់ការងារកសិកម្មខ្នាតធំ។ ត្រាក់ទ័រនេះមានកម្លាំងចាប់ពី ៩៥ សេះ ដល់ ១៥០ សេះ ស័ក្តិសមសម្រាប់ចម្ការអំពៅ ពោត ដំឡូងមី ម្នាស់ និងដំណាំខ្នាតធំផ្សេងទៀត។
លក្ខណៈពិសេសមួយទៀតគឺ ត្រាក់ទ័រស៊េរី 6B ត្រូវបានបំពាក់ជាមួយប្រព័ន្ធ JDLink™ ដែលជាបច្ចេកវិទ្យាតាមដានពីចម្ងាយ តាមរយៈកម្មវិធី John Deere Operations Center នៅលើទូរស័ព្ទ ឬកុំព្យូទ័រ។ អ្នកអាចតាមដានទីតាំង ស្ថានភាពប្រតិបត្តិការ ម៉ោងប្រើប្រាស់ កម្រិតប្រេង សុខភាពម៉ាស៊ីន និងតំបន់ការងារកំណត់បានគ្រប់ពេលវេលា។
ប្រព័ន្ធ JDLink™ ជួយឱ្យម្ចាស់ម៉ាស៊ីន និងអ្នកគ្រប់គ្រងកសិដ្ឋានធ្វើការសម្រេចចិត្តបានលឿន ផ្អែកលើទិន្នន័យពិត នាំទៅដល់ការបង្កើនប្រសិទ្ធភាព សន្សំសំចៃប្រេង និងកាត់បន្ថយការខូចខាតដែលមិននឹកស្មាន ជំហានឆ្ពោះទៅរកកសិកម្មទំនើបប្រកបដោយចីរភាព។
ទំនាក់ទំនងព័ត៌មាន៖ ក្រុមហ៊ុន អ អិម អេ (ខេមបូឌា) ម.ក ផ្នែកគ្រឿងយន្តកសិកម្ម លេខទូរសព្ទឥតគិតថ្លៃ៖ 1800 208 086 | ហ្វេសប៊ុក៖ ត្រាក់ទ័រ ចនឌ័រ – RMA Cambodia Plc.
