សន្តិសុខសង្គម

ភ្លើងឆាបឆេះហាងលក់ពូកនៅសៀមរាប ខូចខាតទ្រព្យសម្បត្តិជាង ១០មុឺនដុល្លារ

ហាងលក់ពូកមួយកន្លែងនៅក្រុងសៀមរាបត្រូវបានអគ្គិភ័យឆាបឆេះខូចខាតសម្ភារៈទាំងស្រុង គិតជាទឹកប្រាក់ជាង ១០មុឺនដុល្លារ ប៉ុន្តែអភ័យទោសមិនមាននរណារងរបួសឡើយ។ ហេតុការណ៍នេះបានកើតឡើងនៅថ្ងៃទី១៣ ខែមីនា ឆ្នាំ២០២៦ វេលាម៉ោង០៩:១៥នាទី នៅតាមបណ្តោយផ្លូវខ្នារ ក្នុងភូមិខ្នារចាស់ សង្កាត់ជ្រាវ ក្រុងសៀមរាប។ អ្នកជិតខាងបានឃើញផ្សែងលាយលំអណ្តាតភ្លើងឆេះចេញមកពីក្នុងហាង ហើយបានព្យាយាមបាញ់ពន្លត់ដោយប្រើបំពង់ពន្លត់អគ្គិភ័យ ប៉ុន្តែមិនអាចគ្រប់គ្រងបានទេ។ សមត្ថកិច្ចជំនាញបានទទួលព័ត៌មានតាមលេខបន្ទាន់១២៩៦ ហើយបានចេញរថយន្តពន្លត់អគ្គិភ័យអន្តរាគមន៍ភ្លាមៗ។ ក្នុងរង្វង់ប្រតិបត្តិការនេះ សមត្ថកិច្ចបានប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តសៀមរាប៣គ្រឿង រថយន្តពន្លត់អគ្គិភ័យផ្សារចាស់១គ្រឿង…

កម្លាំងសមត្ថកិច្ចខេត្តកំពង់ស្ពឺ បំបែកសំបុកគ្រឿងញៀនធំ ឃាត់ខ្លួន៧នាក់ រកឃើញគ្រឿងញៀនជិត២គីឡូ

កម្លាំងជំនាញនគរបាលខេត្តកំពង់ស្ពឺ បានអនុវត្តប្រតិបត្តិការបង្រ្កាបគ្រឿងញៀនរយៈពេល៧២ម៉ោង ដោយឃាត់ខ្លួនមនុស្ស៧នាក់ និងរកឃើញគ្រឿងញៀនជិត២គីឡូ។ ប្រតិបត្តិការនេះធ្វើឡើងក្រោមការដឹកនាំផ្ទាល់ពីលោកវរសេនីយ៍ទោ ហ៊ាង ឈាងលី ស្នងការរង និងការសម្របសម្រួលពីអយ្យការ។ កម្លាំងបានចុះសហការស្រាវជ្រាវរហូតឈានទៅធ្វើការបង្រ្កាបដកហូតវត្ថុតាងគ្រឿងញៀនមួយចំនួនធំ។ វត្ថុតាងដែលដកហូតបានរួមមាន៖ ម្សៅក្រាមពណ៌សថ្លា សង្ស័យជាគ្រឿងញៀនទម្ងន់ ១,៦៩៧.២៧ក្រាម សារធាតុមិនច្បាស់ ២.៩៣ក្រាម ទូរស័ព្ទ៩គ្រឿង ម៉ូតូ២គ្រឿង ជញ្ជីងថ្លឹងគ្រឿងញៀន និងថង់វេចខ្ចប់គ្រឿងញៀន។…

គ្រោះថ្នាក់ចរាចរណ៍ថ្ងៃទី១៣មីនា៖ មនុស្ស៦នាក់ស្លាប់ របួស៤នាក់ក្នុង៦ករណី

ត្រឹមមួយថ្ងៃទី១៣ ខែមីនា ឆ្នាំ២០២៦នេះ មានមនុស្សប្រុសស្រីបាត់បង់ជីវិតចំនួន៦នាក់ និងរងរបួស៤នាក់ ក្នុង៦ករណី ដោយសារគ្រោះថ្នាក់ចរាចរណ៍នៅទូទាំងប្រទេស។ នេះបើយោងតាមទិន្នន័យ គ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ គិតចាប់ពីម៉ោង ១៤និង០០នាទី ថ្ងៃទី១២ ខែមីនា ដល់ម៉ោង ១៤និង០០នាទី ថ្ងៃទី១៣ ខែមីនា…

តុលាការព្រះសីហនុផ្តន្ទាទោសជនជាតិចិន-វៀតណាម៤នាក់ពន្ធនាគារអស់ជីវិត ខ្មែរម្នាក់២០ឆ្នាំ

ព្រះសីហនុ – សាលាដំបូងខេត្តព្រះសីហនុ បានសម្រេចផ្តន្ទាទោសជនជាតិចិន និងវៀតណាម ៤នាក់ដាក់ពន្ធនាគារអស់មួយជីវិត និងជនជាតិខ្មែរម្នាក់ជាប់ពន្ធនាគារ ២០ឆ្នាំ ពីបទពាក់ព័ន្ធនឹងបណ្តាញផលិត និងជួញដូរគ្រឿងញៀនយ៉ាងធំ។ ក្នុងចំណោមជនជាប់ចោទដែលត្រូវផ្តន្ទាទោសពន្ធនាគារអស់ជីវិត មានឈ្មោះ ដូ ធានក្វាង (Do Thien Quang) អាយុ២៥ឆ្នាំ ជនជាតិវៀតណាម និងជនជាតិចិន៣នាក់ទៀតគឺ…

ចាប់ខ្លួនជនជាតិវៀតណាម ១៥នាក់ ស្នាក់នៅខុសច្បាប់ក្នុងភ្នំពេញ

កម្លាំងគណៈបញ្ជាការឯកភាពរាជធានីភ្នំពេញ បានចាប់ខ្លួនជនជាតិវៀតណាមចំនួន ១៥នាក់ ដែលស្នាក់នៅខុសច្បាប់នៅក្នុងខណ្ឌច្បារអំពៅ។ ប្រតិបត្តិការនេះបានធ្វើឡើងនៅម៉ោង ១រសៀលថ្ងៃទី១១ ខែមីនា ឆ្នាំ២០២៦។ តាមការបញ្ជាក់ពីកម្លាំងជំនាញ ការចុះត្រួតពិនិត្យនេះធ្វើឡើងតាមការណែនាំពីលោក ឃួង ស្រេង អភិបាលរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។ ជនជាតិវៀតណាមទាំង ១៥នាក់នេះ…

ទុស្សេខ្សែភ្លើងឆេះផ្ទះលក់ពូកសៀមរាប ខូចខាតទ្រព្យសម្បត្តិរាប់សិបលានរៀល

សៀមរាប៖ អគ្គិភ័យដ៏ធំមួយបានឆាបឆេះផ្ទះលក់ពូក និងលក់បាយមួយកន្លែងនៅក្រុងសៀមរាប ដោយសារទុស្សេខ្សែភ្លើងធ្លាក់មកលើពូក។ ហេតុការណ៍នេះកើតឡើងនៅព្រឹកថ្ងៃទី១៣ ខែមីនា ឆ្នាំ២០២៦ នៅភូមិខ្នារ សង្កាត់ជ្រាវ ក្រុងសៀមរាប។ ផ្ទះដែលរងគ្រោះមានទំហំទទឹង១៣ម៉ែត្រ បណ្ដោយ២៥ម៉ែត្រ ដំបូលប្រក់ស័ង្កសី។ ម្ចាស់ផ្ទះឈ្មោះ ឈិន ឈាង អាយុ៥៦ឆ្នាំ ដែលជាប៉ូលិសព្រំដែន បានជួលផ្ទះនេះទៅឲ្យអ្នកឈ្មោះ នាក់…

តុលាការលើកពេលសាលក្រមលើសំណុំរឿងអតីតមន្ត្រីខេត្តបាត់ដំបង និងបក្ខពួក ៤ នាក់

ភ្នំពេញ – តុលាការបានលើកពេលការប្រកាសសាលក្រមលើសំណុំរឿងអតីតអធិការរងស្រុកបវេល ខេត្តបាត់ដំបង និងបក្ខពួកចំនួន ៤ នាក់ ដែលត្រូវបានចោទប្រកាន់ពាក់ព័ន្ធនឹងការដោះលែងជនជាតិថៃជាថ្នូរនឹងប្រាក់។ កាលពីព្រឹកថ្ងៃទី១២ ខែមីនា ឆ្នាំ២០២៦ ជនជាប់ចោទទាំង ៥ នាក់ ត្រូវបាននាំខ្លួនមកកាន់សាលាដំបូងរាជធានីភ្នំពេញ ដើម្បីសាកសួរ។ ក្រោយពេលបញ្ចប់ការសាកសួរ តុលាការបានលើកពេលប្រកាសសាលក្រមទៅថ្ងៃក្រោយ ដោយមិនកំណត់ និងបញ្ជូនទៅឃុំខ្លួនជាបណ្ដោះអាសន្ន។…

នគរបាលទួលគោកចាប់ជនសង្ស័យលួចទ្រព្យសម្បត្តិក្នុងហាងកាហ្វេ ក្នុងរយៈពេលត្រឹមតែ ១០ម៉ោង

ភ្នំពេញ៖ នគរបាលខណ្ឌទួលគោក បានឃាត់ខ្លួនជនសង្ស័យម្នាក់ ក្រោយពីធ្វើសកម្មភាពចូលលួចទ្រព្យសម្បត្តិក្នុងហាងកាហ្វេមួយ នៅយប់មិញ។ ការចាប់ខ្លួននេះ បានធ្វើឡើងក្នុងរយៈពេលតិចជាង ១០ម៉ោងបន្ទាប់ពីកើតហេតុ។ ជនសង្ស័យ ឈ្មោះ ជា សុភ័ក្រ អាយុ៤១ឆ្នាំ ត្រូវបានឃាត់ខ្លួននៅថ្ងៃទី១១ ខែមីនា ឆ្នាំ២០២៦ វេលាម៉ោងប្រហែល០៨:៣០នាទីព្រឹក នៅលើផ្លូវរថភ្លើង ភូមិ២ សង្កាត់ស្រះចក…

ជនសង្ស័យលួចរថយន្តម៉ាក BYD របស់មន្ត្រី ACU ត្រូវនគរបាលខណ្ឌទួលគោកឃាត់ខ្លួនបានសម្រេច

ភ្នំពេញ៖ កម្លាំងនគរបាលខណ្ឌទួលគោកបានចាត់វិធានការឃាត់ខ្លួនជនសង្ស័យម្នាក់ ក្រោយពីបានលួចរថយន្តម៉ាក BYD ស៊េរីឆ្នាំ២០២៥ របស់មន្ត្រីអង្គភាពប្រឆាំងអំពើពុករលួយ (ACU) បានសម្រេច។ ប្រតិបត្តិការឃាត់ខ្លួននេះបានធ្វើឡើងនៅវេលាម៉ោងប្រហែល២០:៣០នាទី ថ្ងៃទី១១ ខែមីនា ឆ្នាំ២០២៦ នៅលើដងផ្លូវលេខ៣៨៥ក្រុមទី៤ ភូមិ២ សង្កាត់បឹងសាឡាង ខណ្ឌទួលគោក។ តាមរបាយការណ៍របស់អធិការដ្ឋាននគរបាលខណ្ឌទួលគោកបានឲ្យដឹងថា ជនសង្ស័យឈ្មោះ អ៊ុង ដារ៉ាឆៃកុង…

អភិបាលក្រចេះដាក់បទបញ្ជា៖ ប៉ុស្តិ៍នគរបាលជាប់ទន្លេត្រូវដកខ្លួន ប្រសិនជាប់ពាក់ព័ន្ធនេសាទខុសច្បាប់នឹងដកហូតតំណែង

ខេត្តក្រចេះ៖ លោក វ៉ា ថន អភិបាលខេត្តក្រចេះ បានចេញបទបញ្ជាច្បាស់លាស់ដល់ប៉ុស្តិ៍នគរបាលទាំងអស់ដែលស្ថិតនៅតាមបណ្តោយមាត់ទន្លេ ឲ្យដកខ្លួនឲ្យឆ្ងាយពីទីតាំងបច្ចុប្បន្ន ដើម្បីការពារកុំឲ្យមានការជាប់ពាក់ព័ន្ធក្នុងបទល្មើសនេសាទខុសច្បាប់។ ក្នុងកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅបន្ត នាថ្ងៃទី១១ ខែមីនា ឆ្នាំ២០២៦ លោកអភិបាលបានសង្កត់ធ្ងន់ថា៖ “បណ្តាប៉ុស្តិ៍នគរបាលដែលនៅជាប់បណ្តោយមាត់ទន្លេ ត្រូវដកខ្លួនឲ្យឆ្ងាយ កុំឲ្យមានបញ្ហាជាប់ពាក់ព័ន្ធបទល្មើសនេសាទឲ្យសោះ។ ក្នុងករណីរកឃើញត្រូវចាត់វិធានការ និងដកហូតតំណែងភ្លាមៗ។” លោកបានណែនាំដល់គណៈបញ្ជាការឯកភាពខេត្ត…