By ចក្រភពអង់គ្លេស បានប្រកាសជាផ្លូវការនៅថ្ងៃអង្គារនេះថា ខ្លួននឹងចូលរួមបេសកកម្មពហុជាតិសាសន៍ដើម្បីធានាសុវត្ថិភាពដឹកជញ្ជូននៅច្រកសមុទ្រហ័រមូស (Hormuz) ដោយបញ្ជូនឧបករណ៍រុករកមីនស្វ័យប្រវត្តិ យន្តហោះចម្បាំង Typhoon និងនាវាចម្បាំង HMS Dragon។
រដ្ឋមន្ត្រីក្រសួងការពារជាតិអង់គ្លេស លោក John Healey បានប្រកាសប្តេជ្ញាចិត្តនេះក្នុងកិច្ចប្រជុំកំពូលជាមួយសមភាគីជាង ៤០ប្រទេស ហើយនឹងចាប់ផ្តើមដំណើរការពេលលក្ខខណ្ឌត្រូវបានអនុញ្ញាត។
លោក Healey លើកឡើងថា៖ «ជាមួយសម្ព័ន្ធមិត្ត បេសកកម្មពហុជាតិសាសន៍នេះនឹងមានសុវត្ថិភាព ឯករាជ្យ និងអាចទុកចិត្តបាន»។
សង្គ្រាមរវាងសហរដ្ឋអាមេរិក-អ៊ីស្រាអែលលើអ៊ីរ៉ង់ បានកាត់បន្ថយចរាចរណ៍តាមច្រកHormuz យ៉ាងខ្លាំង រំខានដល់ការនាំចេញប្រេង និងធ្វើឱ្យតម្លៃថាមពលកើនឡើងជាគំហុក។
ការចូលរួមរបស់អង់គ្លេសទទួលបានការគាំទ្រពីមូលនិធិថ្មីចំនួន ១៥៥.៥៣លានដុល្លារ សម្រាប់ឧបករណ៍រាវរកមីន ទូកគ្មានមនុស្សបើក យន្តហោះ Typhoon និងនាវាពិឃាតការពារដែនអាកាស HMS Dragon ដែលកំពុងធ្វើដំណើរទៅមជ្ឈិមបូព៌ារួចហើយ។
