សន្តិសុខសង្គម

ភ្នំពេញ – ការបង្ក្រាបក្មេងទំនើងក្នុងឱកាសបុណ្យចូលឆ្នាំថ្មីប្រពៃណីជាតិ បានបន្តធ្វើឡើងយ៉ាងខ្លាំងក្លា ដោយសមត្ថកិច្ចបានឃាត់ខ្លួនក្មេងទំនើងជាង ៨០នាក់ និងបញ្ជូនទៅតុលាការ។ យោងតាមរបាយការណ៍ពីក្រសួងមហាផ្ទៃ ក្នុងរយៈពេល ៣ថ្ងៃ (១៤-១៦ មេសា) នៃពិធីបុណ្យចូលឆ្នាំថ្មីឆ្នាំ២០២៥ នគរបាលជាតិបានបង្ក្រាបក្មេងទំនើងចំនួន ១៦ករណី និងឃាត់ខ្លួនជនសង្ស័យចំនួន ៨៤នាក់។ ករណីក្មេងទំនើងទាំងនេះកើតមាននៅតាមមូលដ្ឋានផ្សេងៗ រួមមាន រាជធានីភ្នំពេញ…

ភ្នំពេញ៖ អគ្គិភ័យដ៏ធំមួយបានឆាបឆេះរោងចក្រស្តុកសាំងក្រអូប និងប្រេងម៉ាសូត នៅខណ្ឌកំបូល កាលពីថ្ងៃទី១៧ ខែមេសា ឆ្នាំ២០២៦ បណ្តាលឱ្យខូចខាតទ្រព្យសម្បត្តិយ៉ាងធ្ងន់ធ្ងរ។ ហេតុការណ៍នេះកើតឡើងនៅវេលាម៉ោង៥:៥០ល្ងាច នៅតាមបណ្តោយផ្លូវបេតុង ភូមិគុល សង្កាត់កន្ទោក។ ប្រជាពលរដ្ឋដែលរស់នៅក្បែរនោះបានធុំក្លិនឈ្ងៀមផ្សែង និងឃើញផ្សែងខ្មៅហ៊ុយចូលផ្ទះរបស់ពួកគាត់។ ភ្លាមៗនោះ ពលរដ្ឋបាននាំគ្នាយកទុយោទឹកបាញ់បង្ការជាបណ្តោះអាសន្ន ដើម្បីការពារកុំឱ្យអគ្គិភ័យរាលដាលទៅផ្ទះរបស់ពួកគាត់។ ក្រោយមក នាយការិយាល័យបង្ការពន្លត់អគ្គិភ័យ និងសង្គ្រោះបានបញ្ជូនរថយន្តពន្លត់អគ្គិភ័យចំនួន៥គ្រឿងទៅកាន់កន្លែងកើតហេតុ។…

ខេត្តតាកែវ – ស្នងការដ្ឋាននគរបាលខេត្តតាកែវ បានអះអាងថា ស្ថានភាពសន្តិសុខ សណ្ដាប់ធ្នាប់ និងសុវត្ថិភាពសាធារណៈ ក្នុងឱកាសបុណ្យចូលឆ្នាំប្រពៃណីជាតិខ្មែរ ឆ្នាំ២០២៦ ដែលប្រារព្ធពីថ្ងៃទី១៤ ដល់ទី១៦ ខែមេសា មានភាពល្អប្រសើរជាងឆ្នាំមុន។ សមត្ថកិច្ចបានដាក់ពង្រាយកម្លាំងយ៉ាងតឹងរ៉ឹងតាមតំបន់ទេសចរណ៍ ទីប្រជុំជន និងផ្លូវសំខាន់ៗ ដើម្បីធានាសុវត្ថិភាពជូនប្រជាពលរដ្ឋ និងភ្ញៀវទេសចរជាតិ-អន្តរជាតិ។ លទ្ធផលបង្ហាញថា ការគ្រប់គ្រងស្ថានការណ៍មានប្រសិទ្ធភាពខ្ពស់…

ក្នុងរយៈពេល៣ថ្ងៃនៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស២៥៧០ កម្លាំងកងរាជអាវុធហត្ថខេត្តតាកែវ បានចុះល្បាតយ៉ាងសកម្មជាប្រចាំទាំងថ្ងៃនិងយប់ ដើម្បីធានាសន្តិសុខជូនប្រជាពលរដ្ឋនិងភ្ញៀវទេសចរ។ លោកឧត្ដមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ បានដឹកនាំការល្បាតនៅតាមទីប្រជុំជន វត្តអារាម តំបន់លេងល្បែងប្រជាប្រិយខ្មែរ និងរមណីយដ្ឋានទេសចរណ៍ទូទាំងខេត្ត។ សកម្មភាពការពារសន្តិសុខយ៉ាងតឹងរ៉ឹងនេះ បានរួមចំណែកធ្វើឲ្យពិធីបុណ្យចូលឆ្នាំថ្មីនៅខេត្តតាកែវ ប្រព្រឹត្តទៅដោយរលូន សុវត្ថិភាព និងពោរពេញដោយបរិយាកាសសប្បាយរីករាយ។…

នៅថ្ងៃទី១៥ ខែមេសា ឆ្នាំ២០២៦ វេលាម៉ោងប្រហែល៥ល្ងាច មានឧប្បត្តិហេតុផ្ទុះគ្រាប់មិនទាន់ផ្ទុះនៅភូមិចុងពរ ឃុំព្រៃត្រឡាច ស្រុករុក្ខគិរី ខេត្តបាត់ដំបង បណ្ដាលឲ្យបុរសវ័យ៣២ឆ្នាំម្នាក់រងរបួសដៃ និងជើង។ តាមអាជ្ញាធរមីន ករណីផ្ទុះយុទ្ធភ័ណ្ឌមិនទាន់ផ្ទុះនេះ កើតឡើងនៅពេលជនរងគ្រោះកាប់រណ្តៅដីហើយប៉ះចំគ្រាប់មិនទាន់ផ្ទុះ បណ្ដាលឲ្យផ្ទុះតែម្ដង។ ជនរងគ្រោះឈ្មោះ អេម ពៅ អាយុ៣២ឆ្នាំ មានទីលំនៅភូមិចុងពរ ឃុំព្រៃត្រឡាច…

កម្លាំងនគរបាលខេត្តស្វាយរៀងបានធ្វើប្រតិបត្តិការជោគជ័យក្នុងការចាប់ខ្លួនក្រុមជនសង្ស័យចំនួន៤នាក់ ដែលពាក់ព័ន្ធនឹងករណីកាប់ប្លន់ម៉ូតូនៅស្រុកស្វាយទាប។ ប្រតិបត្តិការនេះធ្វើឡើងកាលពីថ្ងៃទី១៥ មេសា បន្ទាប់ពីទទួលបានពាក្យបណ្តឹងពីប្រជាពលរដ្ឋដែលត្រូវបានកាប់ប្លន់ម៉ូតូនៅយប់ថ្ងៃទី១៤ មេសា។ ក្រុមជនសង្ស័យបានធ្វើសកម្មភាពស្ទាក់កាប់ប្លន់នៅម៉ោង២:១០នាទីរំលងអាធ្រាត្រ នៅភូមិបន្ទាយ ឃុំកណ្ដៀងរាយ។ ក្នុងប្រតិបត្តិការចាប់ខ្លួន កម្លាំងសមត្ថកិច្ចបានដកហូតម៉ូតូសរុប៣គ្រឿង រួមមានម៉ូតូជនរងគ្រោះ១គ្រឿង និងកាំបិត៣ដើម។ ការស្រាវជ្រាវធ្វើឡើងដោយកម្លាំងអធិការដ្ឋាននគរបាលស្រុកស្វាយទាប សហការជាមួយកម្លាំងអធិការដ្ឋាននគរបាលស្រុកកំពង់រោទិ៍ និងក្រុងបាវិត។ ក្រោយពីធ្វើសកម្មភាពប្លន់ ក្រុមជនសង្ស័យបានគេចខ្លួន ប៉ុន្តែត្រូវបានកម្លាំងសមត្ថកិច្ចតាមចាប់ខ្លួនបានក្នុងរយៈពេលតែ១ថ្ងៃប៉ុណ្ណោះ។ ជនសង្ស័យនិងវត្ថុតាងទាំងអស់ត្រូវបានបញ្ជូនទៅសាលាដំបូងខេត្តស្វាយរៀងដើម្បីចាត់ការតាមនីតិវិធីច្បាប់។…

ឧត្ដរមានជ័យ៖ ករណីអគ្គិភ័យដ៏ធ្ងន់ធ្ងរមួយបានកើតឡើងនៅព្រឹកព្រលឹមថ្ងៃទី១៦មេសា ដែលជាថ្ងៃទី៣នៃបុណ្យចូលឆ្នាំថ្មី បណ្ដាលឲ្យផ្ទះប្រជាពលរដ្ឋ៣ខ្នងឆេះខូចខាត និងស្ត្រីម្នាក់បាត់បង់ជីវិត។ ហេតុការណ៍នេះកើតឡើងនៅម៉ោង៤:៣០នាទីព្រឹក នៅភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្ដរមានជ័យ។ ស្ត្រីរងគ្រោះមានឈ្មោះ កាវ ស៊ូហេង អាយុ៤៥ឆ្នាំ ដែលបានស្លាប់ក្នុងអគ្គិភ័យនេះ។ តាមរបាយការណ៍ពីនាយកដ្ឋាននគរបាលបង្ការពន្លត់អគ្គិភ័យ ផ្ទះទាំង៣ខ្នងដែលរងការឆាបឆេះមាន៖ ១. ផ្ទះរបស់លោក កាវ…

ជនដៃដល់ជាអតីតប្តី ដែលបានបាញ់ និងវាយសម្លាប់ប្រពន្ធដែលជាជាងសាឡននៅផ្សារទួលពង្រ ត្រូវបានកម្លាំងនគរបាលជំនាញស្រាវជ្រាវឃាត់ខ្លួនបានហើយនៅថ្ងៃទី១៥ ខែមេសា។ តាមនគរបាលជំនាញ ជនដៃដល់ត្រូវបានឃាត់បាននៅក្នុងព្រៃ ភូមិត្រេីង ឃុំមៀន ស្រុកព្រៃឈរ ខេត្តកំពង់ចាម។ ជនដៃដល់មានឈ្មោះ ធួក ជី ហៅ អាជី អាយុ ៣៩ឆ្នាំ។ កាលពីថ្ងៃទី១២ មេសា…

ភ្នំពេញ៖ សាលាដំបូងរាជធានីភ្នំពេញ បានសម្រេចឃុំខ្លួនបណ្តោះអាសន្នជនត្រូវចោទចំនួន ២០នាក់ ក្នុងនោះមានស្រី ២នាក់ ពីបទឆបោកតាមអនឡាញជាក្រុមមានការចាត់តាំង។ ការសម្រេចនេះបានធ្វើឡើងនៅថ្ងៃទី១៣ ខែមេសា ឆ្នាំ២០២៦ ដោយលោក ប៊ុន រតនៈ ចៅក្រមស៊ើបសួរ។ ជនត្រូវចោទទាំង ២០នាក់នេះ មានជនជាតិចិន ១៩នាក់ និងជនជាតិកៀហ្សីស៊ីស្ថាន ១នាក់។…

កម្លាំងអាវុធហត្ថក្រុងក្រចេះ ដឹកនាំដោយលោក ទេព ដារ៉ា មេបញ្ជាការកងរាជអាវុធហត្ថក្រុងក្រចេះ បានធ្វើប្រតិបត្តិការបង្ក្រាបក្រុមក្មេងទំនើងចំនួន ១២នាក់ ដែលបានប្រើប្រាស់ម៉ូតូកែច្នៃបំពង់ស៊ីម៉ាំងខុសបច្ចេកទេស និងបើកបរលឿនខ្លាំងក្នុងទីប្រជុំជន។ ការចុះបង្ក្រាបនេះធ្វើឡើងនារសៀលថ្ងៃទី១៤ មេសា ២០២៦ ដែលជាថ្ងៃទី១នៃពិធីបុណ្យចូលឆ្នាំថ្មីប្រពៃណីជាតិ។ ក្នុងប្រតិបត្តិការនេះ សមត្ថកិច្ចបានឃាត់ខ្លួនក្មេងទំនើង១២នាក់ និងដកហូតម៉ូតូកែច្នៃបំពង់ស៊ីម៉ាំងលឺខ្លាំងចំនួន១១គ្រឿង។ សមត្ថកិច្ចបានបញ្ជូនក្មេងទំនើងទាំងអស់ រួមទាំងម៉ូតូ ទៅកាន់បញ្ជាការដ្ឋានកងរាជអាវុធហត្ថខេត្តក្រចេះ ដើម្បីធ្វើការអប់រំណែនាំ។…