ព័ត៌មានអន្ដរជាតិ

រដ្ឋមន្ត្រីក្រសួងការពារជាតិប៉ូឡូញ ដែលជាសមាជិកណាតូ បានលាតត្រដាងការប្តេជ្ញាចិត្តយ៉ាងមុតមាំកាលពីថ្ងៃពុធថា ប៉ូឡូញនឹងក្លាយជាប្រទេសដែលមានកងទ័ពខ្លាំងបំផុត និងធំជាងគេនៅអឺរ៉ុបនៅឆ្នាំ២០៣០។ នេះបើយោងតាមប្រព័ន្ធផ្សព្វផ្សាយប៉ូឡូញ ដែលដកស្រង់ផ្សាយបន្តដោយទីភ្នាក់ងារសារព័ត៌មានតួកគី Anadolu ផ្សាយថ្ងៃទី៦ ខែឧសភា ឆ្នាំ២០២៦។ ក្នុងតួនាទីជារដ្ឋមន្រ្តី និងឧបនាយករដ្ឋមន្ត្រី លោក Wladyslaw Kosiniak-Kamysz លើកឡើងក្នុងសុន្ទរកថាលើកិច្ចប្រជុំ Defence 24 Days…

ការសម្របសម្រួលលើកដំបូងរបស់ប្រធានាធិបតីហ្វីលីពីន Ferdinand Marcos Jr. ក្នុងនាមប្រធានអាស៊ាន ដើម្បីរកដំណោះស្រាយក្នុងជម្លោះព្រំដែនរវាងថៃ និងកម្ពុជា បានបង្ហាញឲ្យឃើញនូវប្រសិទ្ធភាពគួរឲ្យកត់សម្គាល់ ឆ្ពោះទៅកសាងសន្តិភាពតាមព្រំដែន និងការស្តារទំនុកចិត្តគ្នាឡើងវិញ។ ជំនួបត្រីភាគីរវាងកម្ពុជា ហ្វីលីពីន និងថៃ នៅទីក្រុងឆ្នេរសមុទ្រសេប៊ូ ភាគខាងត្បូងប្រទេសហ្វីលីពីន ធ្វើឡើងក្នុងក្របខ័ណ្ឌកិច្ចប្រជុំកំពូលអាស៊ាន។ ហ្វីលីពីនក្នុងនាមជាប្រធានអាស៊ានប្តូរវេន បានខិតខំប្រឹងប្រែងយ៉ាងខ្លាំងក្លាដើម្បីរកច្រកចេញពីជម្លោះក្នុងតំបន់។ ប្រធានាធិបតីហ្វីលីពីនបានថ្លែងក្រោយជំនួបថា ហ្វីលីពីនដាក់ចេញរបៀបសន្ទនានេះដោយការគោរពយ៉ាងខ្ពង់ខ្ពស់ចំពោះប្រទេសទាំងពីរ…

អារ៉ាប់រួមបានដឹកជញ្ជូនប្រេងដោយលួចលាក់ឆ្លងកាត់ច្រកសមុទ្រហ័រមូហ្ស ដោយបិទប្រព័ន្ធតាមដាន ដើម្បីបញ្ចៀសការវាយប្រហាររបស់អ៊ីរ៉ង់ ទោះបីជាមានហានិភ័យខ្ពស់ក្ដី។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ ដែលស្រង់ព័ត៌មានពីប្រភពឧស្សាហកម្ម និងទិន្នន័យដឹកជញ្ជូន កាលពីថ្ងៃព្រហស្បតិ៍ ទី៧ ឧសភា។ បរិមាណប្រេងដឹកចេញនោះ គ្រាន់តែជាបំណែកតូចមួយប៉ុណ្ណោះ បើធៀបនឹងការនាំចេញរបស់អារ៉ាប់រួមមុនពេលអាមេរិក និងអ៊ីស្រាអែល បើកការវាយប្រហារអ៊ីរ៉ង់។ យ៉ាងណាមិញ វាបង្ហាញថាអ្នកផលិតប្រេង និងអតិថិជនហ៊ានប្រឈមនឹងហានិភ័យដើម្បីធ្វើការដោះដូរប្រេង។ ប្រទេសនាំចេញប្រេងក្នុងតំបន់ផ្សេងៗទៀត ដូចជាអ៊ីរ៉ាក់…

អ្នកនាំពាក្យគណៈកម្មការអឺរ៉ុបបានប្រកាសនៅថ្ងៃព្រហស្បតិ៍ ទី៧ ខែឧសភា ថា សហភាពអឺរ៉ុប (EU) នឹងមិនជម្លៀសបេសកកម្មការទូតរបស់ខ្លួនចេញពីទីក្រុងកៀវឡើយ បើទោះបីជារុស្ស៊ីគំរាមវាយប្រហារខ្លាំងក្លាក៏ដោយ។ នេះបើតាមការចុះផ្សាយពីទីភ្នាក់ងារសារព័ត៌មាន kyivpost។ អ្នកនាំពាក្យកិច្ចការបរទេស EU លោក Anouar El Anouni បានថ្លែងថា៖ «សម្រាប់សហភាពអឺរ៉ុប យើងនឹងមិនផ្លាស់ប្តូរជំហរ ឬវត្តមានរបស់យើងនៅកៀវឡើយ។…

កូរ៉េខាងជើង បានប្រកាសគម្រោងដាក់ពង្រាយកាំភ្លើងធំស្វ័យចលនាស៊េរីថ្មី នៅតាមបណ្តោយព្រំដែនជាប់កូរ៉េខាងត្បូង ឲ្យបានមុនដំណាច់ឆ្នាំ២០២៦នេះ។ តាមសារព័ត៌មានរដ្ឋ KCNA ចុះផ្សាយថ្ងៃទី៨ ឧសភា លោក គីម ជុងអ៊ុន បានចុះពិនិត្យផ្ទាល់រោងចក្រផលិតអាវុធ ដើម្បីតាមដានការផលិតកាំភ្លើងធំខ្នាត ១៥៥មិល្លិម៉ែត្រ ដែលគ្រោងនឹងយកទៅបំពាក់ឲ្យកងវរសេនាតូចចំនួនបីនៅតំបន់ជួរមុខ។ កាំភ្លើងធំប្រភេទថ្មីនេះមានសមត្ថភាពបាញ់បានចម្ងាយជាង ៦០គីឡូម៉ែត្រ ដែលមានន័យថា ទីក្រុងសេអ៊ូលរបស់កូរ៉េខាងត្បូង នឹងស្ថិតក្នុងគោលដៅបាញ់ស្រាប់តែម្ដង។…

ក្រសួងសុខាភិបាលអ៊ីស្រាអែលបានចេញសេចក្តីរាយការណ៍កាលពីថ្ងៃព្រហស្បតិ៍ ទី៧ ខែឧសភា ឆ្នាំ២០២៦ អំពីករណីឆ្លងមេរោគ Hantavirus លើកដំបូងក្នុងប្រទេស ដោយមិនបញ្ចេញព័ត៌មានលម្អិតអំពីអ្នកជំងឺឡើយ។ តាមការផ្សាយរបស់សារព័ត៌មាន Maariv បុគ្គលនោះបានធ្វើតេស្តរកឃើញវិជ្ជមាន Hantavirus ប៉ុន្តែស្ថានភាពអ្នកជំងឺធម្មតា មិនធ្ងន់ធ្ងរដល់កម្រិតត្រូវបញ្ជូនទៅបន្ទប់សង្គ្រោះបន្ទាន់នោះទេ។ អ្នកជំងឺទើបវិលត្រឡប់មកពីតំបន់អឺរ៉ុបខាងកើត ហើយបច្ចុប្បន្នកំពុងធ្វើចត្តាឡីស័កក្រោមការឃ្លាំមើលយ៉ាងយកចិត្តទុកដាក់ពីក្រុមគ្រូពេទ្យ។ ការរកឃើញនេះកើតឡើងចំពេលពិភពលោកកំពុងបង្ហាញក្តីបារម្ភយ៉ាងខ្លាំងចំពោះ Hantavirus បន្ទាប់ពីមានអ្នកស្លាប់ចំនួន៣នាក់ក្នុងនាវាទេសចរ MV…

អតិផរណារបស់ប្រទេសថៃ​បាន​កើនឡើងដល់កម្រិតខ្ពស់បំផុតក្នុងរយៈពេលជាង ៣ ឆ្នាំ ដោយសារតែជម្លោះមជ្ឈិមបូព៌ា ដែលធ្វើឱ្យតម្លៃប្រេងឆៅ និងឥន្ធនៈគីមីកើនឡើង។ ការិយាល័យគោលនយោបាយ និងយុទ្ធសាស្ត្រពាណិជ្ជកម្ម (TPSO) នៃក្រសួងពាណិជ្ជកម្មថៃ បានឱ្យដឹងថា សន្ទស្សន៍ថ្លៃទំនិញប្រើប្រាស់ (CPI) ឬអតិផរណារួមថៃសម្រាប់ខែមេសា ឆ្នាំ២០២៦ បានកើនដល់ ១០៣ ពិន្ទុ ឬ ២,៨៩%…

ប្រទេសសិង្ហបុរី កំពុងធ្វើតេស្ត និងដាក់ឲ្យពលរដ្ឋ២នាក់ ធ្វើចត្តាឡីស័ក ដើម្បីពិនិត្យរកមើលវីរុស Hantavirus បន្ទាប់ពីពួកគេវិលត្រឡប់ពីដំណើរកម្សាន្តនៅលើនាវា MV Hondius ដែលកំពុងផ្ទុះការឆ្លងមេរោគនេះ។ តាមការផ្សាយរបស់ CNA កាលពីថ្ងៃព្រហស្បតិ៍ ទី៧ ខែឧសភា ឆ្នាំ២០២៦ អ្នកទាំងពីរត្រូវបានដាក់ឲ្យនៅដាច់ដោយឡែកពីគេ នៅមជ្ឈមណ្ឌលជាតិបង្ការជំងឺឆ្លងសិង្ហបុរី (NCID) ដើម្បីរង់ចាំលទ្ធផលតេស្ត។…

ក្រោយជំនួបត្រីភាគីរវាងថ្នាក់ដឹកនាំកម្ពុជា ថៃ និងហ្វីលីពីន ចំណុចដែលមហាជនចាប់អារម្មណ៍ខ្លាំងគឺការត្រៀមបញ្ជូនមន្ត្រីទូតជាន់ខ្ពស់ (Chargé d’affaires) ឲ្យត្រឡប់ទៅកាន់ស្ថានទូតទាំងពីរវិញ ក្នុងក្របខ័ណ្ឌស្តារទំនាក់ទំនងទៅរកភាពប្រក្រតីឡើងវិញ។ សារព័ត៌មាន Khaosod ចុះផ្សាយនៅថ្ងៃទី៨ ឧសភា ២០២៦ ដកស្រង់សម្តីលោក Sihasak Phuangketkeow រដ្ឋមន្ត្រីការបរទេសថៃ ថានេះជាជំហានដំបូងក្នុងការបើកផ្លូវទំនាក់ទំនងផ្ទាល់ ដើម្បីឲ្យការជជែកគ្នាលើបញ្ហានានាប្រព្រឹត្តទៅយ៉ាងជិតស្និទ្ធ និងមានប្រសិទ្ធភាពជាងមុន។…

បន្ទាប់ពីរង់ចាំជាងពីរទសវត្សរ៍ ទីម័រខាងកើត (ទីម័រឡេស្តេ) បានក្លាយជាសមាជិកពេញសិទ្ធិទី១១ នៃអាស៊ានជាផ្លូវការនៅចុងឆ្នាំ២០២៥។ ព្រឹត្តិការណ៍ប្រវត្តិសាស្ត្រនេះ បើកទំព័រថ្មីសម្រាប់អាស៊ានក្នុងការពង្រឹងកិត្យានុភាពលើឆាកអន្តរជាតិ ជាពិសេសក្នុងតំបន់ឥណ្ឌូប៉ាស៊ីហ្វិក។ ការបំពេញភូមិសាស្ត្រនយោបាយ វត្តមានរបស់ទីម័រឡេស្តេ ដែលស្ថិតនៅចំណុចប្រសព្វអាស៊ីអាគ្នេយ៍ និងប៉ាស៊ីហ្វិក ជួយអាស៊ានពង្រីកវិសាលភាពភូមិសាស្ត្រ ជាយុទ្ធសាស្ត្រទប់ទល់ឥទ្ធិពលមហាអំណាច និងរក្សា «មជ្ឈភាពអាស៊ាន»។ ការកើនឡើងសំឡេង និងអំណាចចរចា តាមរបាយការណ៍ EIAS…