ព័ត៌មានអន្ដរជាតិ

ទង្វើរបស់កងទ័ពអ៊ីស្រាអែល ដែលស្ទាក់ចាប់នាវា និងឃុំខ្លួនសកម្មជននាំជំនួយទៅកាន់តំបន់ហ្គាហ្សា កំពុងទទួលការស្តីបន្ទោសជាអន្តរជាតិយ៉ាងខ្លាំងក្លា បន្ទាប់ពីប្រទេសចំនួន១៣ បានរួមគ្នាចេញសេចក្តីថ្លែងការណ៍ថ្កោលទោសយ៉ាងដាច់អហង្ការ។ រឿងហេតុនេះកើតឡើងកាលពីថ្ងៃទី៣០ ខែមេសា ឆ្នាំ២០២៦ នៅពេលដែលកងកម្លាំងយោធាអ៊ីស្រាអែល បានស្ទាក់ចាប់ទូកដែលធ្វើដំណើរជាមួយកងនាវាដឹកសម្ភារៈមនុស្សធម៌ Global Sumud Flotilla ឆ្ពោះទៅកាន់តំបន់ហ្គាហ្សា ដោយប្រើប្រាស់ដ្រូន បច្ចេកវិទ្យារំខានទំនាក់ទំនង និងក្រុមវាយឆ្មក់ប្រដាប់អាវុធ ដើម្បីបញ្ឈប់កងនាវាមនុស្សធម៌នៅកណ្តាលសមុទ្រមេឌីទែរ៉ាណេ។ បើតាមការផ្សាយរបស់…

ក្តីសង្ឃឹមបញ្ចប់សង្គ្រាមមជ្ឈិមបូព៌ាត្រូវរលាយបាត់​ ខណៈសហរដ្ឋអាមេរិកបានបើកការវាយលើទីតាំងជាច្រើនទូទាំងប្រទេសអ៊ីរ៉ង់ រួមទាំងនៅច្រកសមុទ្រ Hormuz ផងដែរ ក្នុងអ្វីដែលទីក្រុងវ៉ាស៊ីនតោនអះអាងថាជាការវាយបកចំពោះទីក្រុងតេហេរ៉ង់ដែលកំណត់គោលដៅលើនាវាចម្បាំងរបស់ខ្លួន។ សារព័ត៌មានរដ្ឋអ៊ីរ៉ង់ក៏អះអាងដែរថា ពិតជាមានការផ្ទុះនៅទីក្រុងមួយចំនួនមែន ដូចជា តេហេរ៉ង់, Qeshm និង Bandar Abbas ហើយចោទប្រកាន់សហរដ្ឋអាមេរិកថា រំលោភបទឈប់បាញ់។ តាមការផ្សាយរបស់ BBC នៅថ្ងៃសុក្រ ទី៨​…

រដ្ឋចំនួន៣របស់អាមេរិក រួមមាន California, Arizona និង Georgia កំពុងដាក់វិធានការតាមដានយ៉ាងយកចិត្តទុកដាក់រកមេរោគ Hantavirus លើអ្នកដែលធ្លាប់ជិះនាវាទេសចរណ៍ MV Hondius ក្រោយមានការព្រួយបារម្ភពីហានិភ័យឆ្លងរាលដាល។ តាមការជូនដំណឹងពី មជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក (CDC) កាលពីថ្ងៃព្រហស្បតិ៍ ទី៧ ខែឧសភា ឆ្នាំ២០២៦…

ខណៈដែលបណ្ដាប្រទេសមហាអំណាចលើពិភពលោកកំពុងប្រជុំគ្នានៅអង្គការសហប្រជាជាតិ ដើម្បីជំរុញការរឹតបន្តឹងអាវុធមហន្តរាយ កូរ៉េខាងជើងបានចេញមុខតបតវិញយ៉ាងខ្លាំងក្លា។ លោក គីម សុង ឯកអគ្គរដ្ឋទូតកូរ៉េខាងជើងប្រចាំអង្គការសហប្រជាជាតិ បានថ្លែងយ៉ាងដាច់អហង្ការថា ប្រទេសរបស់លោកនឹងមិនស្ថិតនៅក្រោមចំណងនៃសន្ធិសញ្ញាត្រួតពិនិត្យអាវុធនុយក្លេអ៊ែរណាមួយឡើយ ហើយគ្មានសម្ពាធពីខាងក្រៅណាអាចផ្លាស់ប្តូរឋានៈជាមហាអំណាចនុយក្លេអ៊ែររបស់ខ្លួនបានឡើយ។ តាមការផ្សាយរបស់សារព័ត៌មានរដ្ឋកូរ៉េខាងជើង KCNA កាលពីថ្ងៃទី៧ ឧសភា ឆ្នាំ២០២៦ លោក គីម សុង បានបញ្ជាក់ថា ការដែលសហរដ្ឋអាមេរិក…

ទោះបីជាប្រទេសចិនគឺជាទីផ្សារនាំចូលទុរេនធំបំផុតរបស់ថៃក៏ដោយ ប៉ុន្តែក្នុងឆ្នាំ ២០២៦ នេះ អ្នកនាំចេញទុរេនថៃកំពុងប្រឈមមុខនឹងវិបត្តិទីផ្សារយ៉ាងធ្ងន់ធ្ងរ បន្ទាប់ពីអាជ្ញាធរគយចិន (GACC) បានដាក់ចេញវិធានការត្រួតពិនិត្យយ៉ាងតឹងរ៉ឹងបំផុតលើសារធាតុគីមី ដែលបណ្តាលឲ្យទុរេនរាប់រយកុងតឺន័រត្រូវបានបដិសេធមិនឲ្យចូលទីផ្សារចិន។ យោងតាមការចេញផ្សាយពីសារព័ត៌មាន Khaosod English មូលហេតុចម្បងដែលបង្កឲ្យមានការផ្អាកនាំចូល និងការត្រួតពិនិត្យកាន់តែតឹងរ៉ឹង គឺដោយសារការរកឃើញសំណល់នៃសារធាតុពណ៌ Auramine O ដែលបង្កជំងឺមហារីកនៅក្នុងផ្លែទុរេន។ សារធាតុនេះជាថ្នាំជ្រលក់ពណ៌សម្រាប់ឧស្សាហកម្មក្រណាត់ និងក្រដាស…

គណៈរដ្ឋមន្ត្រីថៃបានអនុម័តកញ្ចប់ប្រាក់កម្ចីគ្រាអាសន្នចំនួន ១២,២ ពាន់លានដុល្លារអាមេរិក កាលពីថ្ងៃអង្គារ ដើម្បីទប់ស្កាត់ផលប៉ះពាល់សេដ្ឋកិច្ចពីជម្លោះនៅមជ្ឈិមបូព៌ា។ នេះជាផែនការខ្ចីប្រាក់ដ៏ធំបំផុតមួយក្នុងរយៈពេលជាច្រើនទសវត្សរ៍ បើតាមកាសែត AFP។ កញ្ចប់កម្ចីនេះនឹងប្រើប្រាស់ដើម្បីជំរុញការចំណាយក្នុងស្រុក និងបន្ធូរបន្ថយភាពលំបាកផ្នែកសេដ្ឋកិច្ច ចំពេលអតិផរណាកើនឡើង និងកំណើនសេដ្ឋកិច្ចយឺតយ៉ាវ។ ក្រសួងហិរញ្ញវត្ថុកាលពីសប្តាហ៍មុនបានកាត់បន្ថយការព្យាករកំណើនសេដ្ឋកិច្ចមកត្រឹម ១,៦% ពី ២,៤%។ ក្នុងចំណោមនោះ ប្រាក់កម្ចី ៤០០ ពាន់លានបាត…

អង្គការសហប្រជាជាតិ (UN) កំពុងត្រៀមដំណោះស្រាយថ្មីមួយ ដោយព្រមានដាក់ទណ្ឌកម្ម និងវិធានការតឹងរឹងប្រឆាំងនឹងអ៊ីរ៉ង់ ប្រសិនបើទីក្រុងតេហេរ៉ង់មិនបញ្ឈប់ការវាយប្រហារលើនាវានៅច្រកសមុទ្រ Hormuz និងការទារថ្លៃផ្លូវខុសច្បាប់ ព្រមទាំងតម្រូវឱ្យបង្ហាញទីតាំងគ្រាប់មីនទាំងអស់ ដើម្បីស្តារសេរីភាពនាវាចរណ៍ឡើងវិញ។ សេចក្តីព្រាងដំណោះស្រាយដែលគាំទ្រដោយសហរដ្ឋអាមេរិក និងបណ្តាប្រទេសឈូងសមុទ្រ ទាមទារឱ្យអ៊ីរ៉ង់ចូលរួមសហការជាបន្ទាន់ជាមួយ UN ក្នុងការបង្កើតច្រករបៀងមនុស្សធម៌ ដើម្បីដឹកជញ្ជូនជំនួយសំខាន់ៗ និងទំនិញផ្សេងៗ។ នេះជាកិច្ចខិតខំប្រឹងប្រែងការទូតចុងក្រោយរបស់អាមេរិក បន្ទាប់ពីសំណើមុនត្រូវបានវ៉េតូដោយចិន និងរុស្ស៊ី…

វិបត្តិថាមពល និងការរំខានដល់ការផ្គត់ផ្គង់ប្រេងឥន្ធនៈ បានក្លាយជាប្រធានបទស្នូលនៃកិច្ចប្រជុំកំពូលអាស៊ាន ដែលកំពុងប្រព្រឹត្តទៅនៅកោះសេប៊ូ ប្រទេសហ្វីលីពីន ចន្លោះថ្ងៃទី ៧-៨ ឧសភា។ បណ្តាប្រទេសសមាជិកអាស៊ាន សម្តែងក្តីបារម្ភយ៉ាងខ្លាំងពីផលប៉ះពាល់នៃវិបត្តិមជ្ឈិមបូព៌ា មកលើសេដ្ឋកិច្ច និងសន្តិសុខស្បៀងរបស់តំបន់។ កិច្ចប្រជុំកំពូលនេះ មានការចូលរួមពីមេដឹកនាំ និងរដ្ឋមន្ត្រីការបរទេស និងសេដ្ឋកិច្ចនៃរដ្ឋសមាជិកអាស៊ានទាំង ១១ លើកលែងតែមីយ៉ាន់ម៉ា ដើម្បីពិភាក្សាអំពីសន្តិសុខថាមពល និងស្បៀងអាហារ…

​​រដ្ឋបាល​លោក​ ដូណាល់​ ត្រាំ​ បាន​ចេញ​យុទ្ធសាស្ត្រ​ប្រឆាំង​ភេរវកម្ម​ថ្មី​មួយ ដោយ​ចោទ​ប្រកាន់​អឺរ៉ុប​ថា​ជា​«​កន្លែង​បណ្ដុះ​ភេរវកម្ម»​ ដែល​បណ្ដាល​មក​ពី​ការ​ធ្វើ​ចំណាក​ស្រុក​ទ្រង់ទ្រាយធំ។ ​​លោក Sebastian Gorka​ ទីប្រឹក្សា​ជាន់ខ្ពស់​សេតវិមាន​ បាន​ឲ្យ​ដឹង​ថា​ លោក​ ត្រាំ​ បាន​ចុះ​ហត្ថលេខា​លើ​យុទ្ធសាស្ត្រ​នេះ​កាល​ពី​ថ្ងៃ​អង្គារ​ ដោយ​ផ្ដោត​លើ​ការ​លុប​បំបាត់​ការ​គំរាម​កំហែង​ និង​ធ្វើ​ឲ្យ​ចុះ​ខ្សោយ​បណ្ដាញ​ជួញដូរ​គ្រឿងញៀន។ ​​យុទ្ធសាស្ត្រ​នេះ​ក៏​ផ្ដោត​លើ​ការ​លុប​បំបាត់​ក្រុម​ជ្រុលនិយម​ឆ្វេង​ដែល​ប្រើ​ហិង្សា​ ព្រម​ទាំង​ដាក់​បណ្ដាញ​ជួញដូរ​គ្រឿងញៀន​ឲ្យ​ស្ថិត​នៅ​ចំកណ្ដាល​កិច្ច​ខិតខំ​ប្រឆាំង​ភេរវកម្ម។ ​​ឯកសារ​នេះ​បាន​គូស​បញ្ជាក់​ថា​ ក្រុម​អរិភាព​កំពុង​ឆ្លៀត​ឱកាស​ពី​«​ការ​បើក​ចំហ​ព្រំដែន»​…

ពិភពប្រព័ន្ធផ្សព្វផ្សាយ និងសប្បុរសធម៌សកល កំពុងកាន់ទុក្ខចំពោះមរណភាពរបស់លោក Ted Turner ស្ថាបនិកសារព័ត៌មានខ្សែកាបឈានមុខគេលើពិភពលោក CNN និងជាអ្នកបង្កើតមូលនិធិអង្គការសហប្រជាជាតិ (UN Foundation) ក្នុងវ័យ ៨៧ឆ្នាំ កាលពីថ្ងៃពុធសប្តាហ៍នេះ។ នេះបើតាមការប្រកាសរបស់ក្រុមហ៊ុន Turner Enterprises។ លោក Turner ដែលកើតនៅរដ្ឋ Ohio…