ព័ត៌មានអន្ដរជាតិ

ក្តីសង្ឃឹមថា ភ្លើងសង្គ្រាមមជ្ឈិមបូព៌ានឹងរលត់ក្នុងពេលឆាប់ៗ បានរសាត់បាត់ទៅហើយ បន្ទាប់ពីសហរដ្ឋអាមេរិកបើកការវាយប្រហារលើទីក្រុងជាច្រើនរបស់អ៊ីរ៉ង់ ហើយភាគីទាំងពីរថែមទាំងបាញ់តប់ប្រមល់គ្នាយ៉ាងកក្រើកនៅច្រកសមុទ្រ Hormuz ទៀតផង។ កាលពីថ្ងៃពុធ ទី៦ ឧសភា ២០២៦ អ៊ីរ៉ង់បញ្ជាក់ថា ខ្លួនកំពុងពិនិត្យមើលសំណើសន្តិភាព ១៤ចំណុចរបស់អាមេរិក ហើយនឹងជូនដំណឹងក្នុងរយៈពេល ២៤ម៉ោង តាមរយៈប្រទេសប៉ាគីស្ថាន។ យ៉ាងណាមកទល់ពេលនេះ ទីក្រុងតេហេរ៉ង់នៅតែស្ងាត់ មិនទាន់ឆ្លើយតបអ្វីឡើយ។…

ស្របពេលដែលក្តីសង្ឃឹមសន្តិភាពនៅមជ្ឈិមបូព៌ាកំពុងភ្លឺឡើងវិញនោះ អ៊ីរ៉ង់បានប្រកាសថា ខ្លួនកំពុងពិនិត្យសំណើសន្តិភាព១៤ចំណុចរបស់អាមេរិក ហើយនឹងឆ្លើយតបវិញក្នុងរយៈពេល២៤ម៉ោងខាងមុខ។ តាមការផ្សាយរបស់ BBC កាលពីថ្ងៃព្រហស្បតិ៍ ទី៧ ខែឧសភា ឆ្នាំ២០២៦ ក្រសួងការបរទេសអ៊ីរ៉ង់បានឲ្យដឹងថា ខ្លួននៅតែកំពុងពិនិត្យលើអនុស្សរណៈនៃការយោគយល់ (MOU) ជាមួយអាមេរិក ហើយនឹងជម្រាបដល់ប៉ាគីស្ថានពេលសម្រេចចិត្តរួច។ ក្នុងចំណោម ១៤ចំណុច មាន៣ចំណុចសំខាន់ដែលជាឧបសគ្គធំ រួមមាន៖ 🚨…

ម៉ាឡេស៊ី៖ រដ្ឋមន្ត្រីក្រសួងវិនិយោគ ពាណិជ្ជកម្ម និងឧស្សាហកម្មម៉ាឡេស៊ី លោក Johari Abdul Ghani បានបញ្ជាក់យ៉ាងច្បាស់ថា ម៉ាឡេស៊ីមិនបានលក់ប្រេងឆៅទៅឱ្យសមាជិកអាស៊ានណាមួយឡើយ នាពេលបច្ចុប្បន្ននេះ។ នេះបើតាមការចុះផ្សាយរបស់ទីភ្នាក់ងារសារព័ត៌មាន Bernama។ លោកបានថ្លែងប្រាប់អ្នកសារព័ត៌មានម៉ាឡេស៊ី ក្រោយចូលរួមកិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី២៧ និងកិច្ចប្រជុំរដ្ឋមន្ត្រីការបរទេស និងសេដ្ឋកិច្ចអាស៊ានរួមគ្នា នៅកោះសេប៊ូ ប្រទេសហ្វីលីពីន កាលពីថ្ងៃទី៧…

ប្រឈមទោសប្រហារជីវិត អតីតរដ្ឋមន្ត្រីក្រសួងការពារជាតិចិន លោក Wei Fenghe និង លោក Li Shangfu ត្រូវបានព្យួរទោសរយៈពេលពីរឆ្នាំក្នុងបទចោទប្រកាន់អំពើពុករលួយ ដែលបញ្ជាក់ពីការបោសសម្អាតក្នុងវិស័យយោធាចិន។ ទីភ្នាក់ងារសារព័ត៌មានរដ្ឋចិន Xinhua បានរាយការណ៍កាលពីថ្ងៃព្រហស្បតិ៍។ សាលក្រមតុលាការយោធានេះ មានន័យថា ទោសប្រហារជីវិតរបស់អតីតរដ្ឋមន្ត្រីការពារទាំងពីរ នឹងត្រូវប្តូរទៅជាទោសជាប់ពន្ធនាគារអស់មួយជីវិត បន្ទាប់ពីព្យួរទោសប្រហារជីវិតរយៈពេលពីរឆ្នាំ ដោយគ្មានលទ្ធភាពនៃការបន្ធូរបន្ថយទោស…

ពន្លឺសន្តិភាពដែលទើបតែរះព្រាលៗនៅលីបង់ ត្រូវបានពន្លត់វិញយ៉ាងឆាប់រហ័ស ក្រោយកងទ័ពអាកាសអ៊ីស្រាអែលបើកការវាយប្រហារលើរដ្ឋធានីបេរូត កាលពីថ្ងៃពុធ ទី៦ ឧសភា ២០២៦។ បើតាមសារព័ត៌មាន Al Jazeera ចេញផ្សាយថ្ងៃទី៧ ឧសភានេះ ការវាយប្រហារនេះជាលើកដំបូងដែលបេរូតរងគ្រាប់បែក ចាប់តាំងពីកិច្ចព្រមព្រៀងឈប់បាញ់រវាងអ៊ីស្រាអែល និងហេសបូឡាត្រូវបានប្រកាសកាលពីខែមេសា។ លោកនាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ បញ្ជាក់ថា ប្រតិបត្តិការនេះមានគោលដៅចំទៅលើមេបញ្ជាការជាន់ខ្ពស់នៃកងកម្លាំងពិសេស…

ក្រុមប្រឹក្សាសន្តិសុខអង្គការសហប្រជាជាតិ (UNSC) កំពុងពិភាក្សាយ៉ាងក្តៅគគុកលើសេចក្តីព្រាងដំណោះស្រាយថ្មី ដែលរៀបចំដោយសហរដ្ឋអាមេរិក និងសម្ព័ន្ធមិត្តអារ៉ាប់ ក្នុងគោលបំណងដាក់សម្ពាធឲ្យអ៊ីរ៉ង់បញ្ឈប់ការវាយប្រហារ និងការដាក់មីនក្នុងច្រកសមុទ្រ Hormuz។ ក្រុមអ្នកវិភាគជាច្រើនបានលើកឡើងថា ប្រសិទ្ធភាពនៃវិធានការនេះកំពុងស្ថិតក្នុងភាពមិនច្បាស់លាស់ ដោយអ្នកខ្លះចោទជាសំណួរថា តើវិធានការនេះពិតជាមានប្រសិទ្ធភាព ឬគ្រាន់តែជាក្រដាសឥតន័យ? ប្រសិនបើសំណើដំណោះស្រាយនេះត្រូវបានអនុម័ត វានឹងនាំឲ្យមានការដាក់ទណ្ឌកម្មថ្មីៗដែលកាន់តែធ្ងន់ធ្ងរ ជាពិសេសលើការនាំចេញប្រេង និងវិស័យហិរញ្ញវត្ថុរបស់អ៊ីរ៉ង់។ វានឹងធ្វើឲ្យអ៊ីរ៉ង់ជួបវិបត្តិថវិកាកាន់តែខ្លាំងក្នុងការទ្រទ្រង់ប្រតិបត្តិការយោធា និងក្រុមប្រូកស៊ី (Proxy)…

វិបត្តិបំណុលកសិករថៃកំពុងឈានដល់កម្រិតគួរឱ្យព្រួយបារម្ភ បន្ទាប់ពីរបាយការណ៍ថ្មីពីវិទ្យាស្ថានស្រាវជ្រាវសេដ្ឋកិច្ចធនាគារកណ្តាលថៃ បានបង្ហាញថា កសិករជាងពាក់កណ្តាលដែលបានខ្ចីប្រាក់ ទំនងជាគ្មានលទ្ធភាពសងបំណុលវិញបានឡើយ សូម្បីតែដល់ថ្ងៃចាកចេញពីលោកនេះក៏ដោយ។ កសិករប្រមាណ ២លាននាក់ នឹងមិនអាចរើខ្លួនរួចពីគំនរបំណុលបានឡើយ ហើយអ្នកខ្លះអាចនឹងបន្តសងបំណុលរហូតដល់វ័យជាង ៧០ឆ្នាំ ដែលជាវ័យមិនអាចរកចំណូលបានទៀត។ បញ្ហានេះកើតឡើងដោយសារកត្តាសំខាន់ពីរ គឺ សមត្ថភាពរកចំណូលទាប និងទម្លាប់នៃការសងប្រាក់គ្មានប្រសិទ្ធភាព។ កសិករភាគច្រើនប្រឈមនឹងចំណូលមិនទៀងទាត់ មិនសមស្របនឹងពេលសងធនាគារ។ អ្វីដែលគួរឱ្យព្រួយបារម្ភជាងនេះ គឺកសិករខ្លះទោះខំប្រឹងកែប្រែទម្លាប់ចាយវាយយ៉ាងណា…

ក្រុមហ៊ុនគ្រប់គ្រងអាកាសយានដ្ឋានថៃ (AOT) បានប្រកាសដំឡើងថ្លៃសេវាកម្មប្រើប្រាស់ព្រលានយន្តហោះលើអ្នកដំណើរអន្តរជាតិ ពី ៧៣០ បាត ដល់ ១ ១២០ បាត/ម្នាក់ ពោលគឺកើនឡើងជិត ៥៣% ចាប់ពីថ្ងៃទី ២០ ខែមិថុនា ឆ្នាំនេះតទៅ។ ការដំឡើងនេះកើតឡើងចំពេលដែលវិបត្តិមជ្ឈិមបូព៌ាកំពុងធ្វើឲ្យតម្លៃប្រេង និងសំបុត្រយន្តហោះកើនឡើងខ្ពស់រួចស្រាប់។ តាមការចុះផ្សាយរបស់កាសែតបាងកកប៉ុស្តិ៍នៅថ្ងៃទី ៨…

ក្រុមនាវាផ្ទុកយន្តហោះ Charles de Gaulle ដើរដោយថាមពលនុយក្លេអ៊ែររបស់បារាំង កំពុងធ្វើដំណើរចុះទៅភាគខាងត្បូងនៃព្រែកជីកស៊ុយអេ ចូលទៅក្នុងសមុទ្រក្រហម ដើម្បីត្រៀមសម្រាប់បេសកកម្មរក្សាសន្តិសុខនៅច្រកសមុទ្រហ័រមូស (Hormuz) ដែលជាផ្នែកនៃផែនការបារាំង-អង់គ្លេស។ យោងតាមសារព័ត៌មាន ABC ផ្សាយថ្ងៃទី៦ ខែឧសភា ឆ្នាំ២០២៦ ការផ្លាស់ប្តូរទីតាំងនេះជាដំណាក់កាលចុងក្រោយនៃការដាក់ពង្រាយនាវានៅមជ្ឈិមបូព៌ា ដែលប្រកាសដោយប្រធានាធិបតីបារាំង លោក អេម៉ានូអែល ម៉ាក្រុង…

ក្រោយពីដាក់ឲ្យនៅឯកោអស់រយៈពេលប្រាំឆ្នាំ ក្រោយរដ្ឋប្រហារ ឥឡូវនេះសញ្ញាផ្សះផ្សារវាងអាស៊ាន និងមីយ៉ាន់ម៉ាកំពុងត្រជាក់ចិត្តឡើងវិញហើយ។ នេះបើតាមសារព័ត៌មាន South China Morning Post ចុះផ្សាយថ្ងៃទី៨ ខែឧសភា ឆ្នាំ២០២៦។ នៅក្នុងកិច្ចប្រជុំកំពូលអាស៊ាននៅហ្វីលីពីន អគ្គលេខាធិការអាស៊ាន លោក កៅ គឹមហួន បានបង្ហើបថា រដ្ឋមន្ត្រីការបរទេសសមាជិកទាំងអស់ព្រមព្រៀងរៀបចំកិច្ចសន្ទនាតាមវីដេអូជាមួយរដ្ឋមន្ត្រីការបរទេសមីយ៉ាន់ម៉ានាពេលឆាប់ៗ។ ការសម្រេចនេះកើតឡើងបន្ទាប់ពីភាគីមីយ៉ាន់ម៉ាបង្ហាញបំណងចង់ឲ្យទំនាក់ទំនងវិលមករកភាពប្រក្រតីវិញ។…